rKTs

e-texts navigator

Volume

Page

251b₁ du khyed rnams la bram ze dang / gzhan mu stegs can rnams kyis smras pa/ khyed cag rgyags par ma gyur cig /'di lta ste/ dper na bya 'dab gshog ma rdzogs par lha'i 'jig rten du 'gro ba'i phyir nam mkha' la 'phur mi nus pa de bzhin du khyed rnams kyang mya ngan las 'das pa
251b₂ thob par mi nus te khyed cag la de lta bu'i rdzu 'phrul med do/ /de ci'i phyir zhe na/ las kyi rnam pas bya gag gi skye gnas su skyes nas lus 'di ring po mi thogs par lus 'jig cing mthar 'chi bar 'gyur te/ 'chi ba'i dus kyi tshe de dag ro bro ba med nas bdag cag gis lus 'di ci zhig gi
251b₃ phyir bzung / bdag cag gis gang lha'i 'jig rten gyi bde ba dang / mi'i 'jig rten gyi bde ba yang ma myong la/ mya ngan las 'das pa'i gnas la yang gnas par ma gyur te/ bdag cag gis lus 'di ni don med par bzung na bdag cag gi 'gro ba ni gang yin/ bdag cag gi rten du ni su
251b₄ zhig 'gyur/ gang du skye zhing gang du 'jig par 'gyur zhig gu snyam nas yongs su skrag par 'gyur ro/ /de nas bcom ldan 'das kyis gzhan mu stegs can spyod pa pa dang / kun tu rgyu dang gcer bu pa de dag la bka' stsal pa/ khyed cag rin po che'i 'dzam bu'i gling 'dir yi
251b₅ chad par ma byed cig / khyed chos dkon mchog las phyi rol tu ma gyur cig /kye grogs po dag khyed de bzhin gshegs pa la ci dang ci 'dod pa dris shig dang / ngas khyed kyi bsam pa thams cad yongs su rdzogs par bya'o/ /de nas bram ze dang gzhan mu stegs can spyod pa
251b₆ pa dang / kun tu rgyu dang / gcer bu pa de dag thams cad stan las langs nas bla gos phrag pa gcig tu bgos te/ thal mo sbyar nas bcom ldan 'das la zhus pa/ bcom ldan 'das de bzhin gshegs pas gdugs mtshan du sems can rnams 'khor ba las yongs su bkrol
251b₇ yang sems can gyi khams la bri ba'am gang bar yang mi gda' na/ bcom ldan 'das rgyu gang dang rkyen gang gis sems can de dag skye ba dang / 'gag pa mnyam par ston/ de nas bcom ldan 'das kyis byang chub sems dpa' sems dpa' chen po sman gyi sde la bka' stsal pa/ mu

_{iiif viewer powered by OpenSeadragon}

251a - 252a

Texts on this page