| e-texts navigator |
| བོད་ཡིག |
244b1 'bab pa de na chu skye bar 'gyur te/ chu skyes pas zhing dang kun dga'i ra ba thams cad ngoms par byed/ bde bar byed do/ /kun tu dpa' ba 'di lta ste dper na/ skye dgu'i bdag po ni 'dzam bu'i gling thams cad bde bar byed do/ /kun tu dpa' ba de bzhin du zung gi chos kyi rnam grangs
244b2 'di yang skye bo mang po la phan pa dang / skye bo mang po la bde ba'i phyir 'dzam bu'i gling du bshad do/ /sum cu rtsa gsum pa'i lha rnams kyi tshe'i tshad ji lta ba bzhin du mi rnams kyi ni de lta ma yin no/ /kun tu dpa' ba sum cu rtsa gsum pa'i lha rnams gang zhe na/ lha'i dbang po brgya byin
244b3 gang na gnas pa de dag ni sum cu rtsa gsum pa zhes bya'o/ /kun tu dpa' ba sems can gang dag ngag gis legs par spyod pa smra ba'ang yod de/ de dag gi bsod nams kyi phung po yang dper bya mi nus so/ /sems can gang dag ngag gis nyes par spyod pa smra ba yang yod de de dag gi
244b4 sems can dmyal ba dang dud 'gror 'gyur ba yang dper bya bar mi nus so/ /sems can gang dag sems can dmyal ba dang / dud 'gro dang / kyi sdug bsngal gyi tshor ba myong bar 'gyur ba de dag la skyabs gang yang med de/ de na re thag chad nas smre sngags 'don cing sems can
244b5 dmyal bar ltung ba de dag ni mi dge ba'i grogs po'i dbang du blta'o/ /sems can gang dag ngag gis legs par spyod pa smra ba de de dag gi bsod nams kyi phung po dper bya bar mi nus pa de yang dge ba'i bshes gnyen gyi dbang du blta ste/ nam dge ba'i bshes gnyen mthong ba de na de bzhin
244b6 gshegs pa mthong ba yin no/ /nam de bzhin gshegs pa mthong ba de na sdig pa thams cad byang ba yin no/ /nam skye dgu'i bdag po 'dzam bu'i gling du spro bar byed pa de na 'dzam bu'i gling gi sems can rnams kyi bde ba dper byar mi nus so/ /kun tu dpa' ba de bzhin du zung gi chos kyi
244b7 rnam grangs 'di yang 'dzam bu'i gling gi sems can rnams la sangs rgyas kyi bya ba byed do/ /gang dag zung gi chos kyi rnam grangs thos par mi 'gyur ba de dag ni bla na med pa yang dag par rdzogs pa'i byang chub mngon par rdzogs par sangs rgyas par mi nus/ chos kyi 'khor lo rab tu bskor mi nus/
iiif viewer powered by OpenSeadragon
Texts on this page
D102 - 'phags pa zung gi mdo'i chos kyi rnams grangs