rKTs

e-texts navigator

Volume

Page

241a₁ cig dang yon tan gzhan yang bshad par bya'o/ /'di lta ste dper na/ sems can la la zhig mchod rten bshig pa dang / dge 'dun gyi dbyen byas pa dang / byang chub sems dpa' ting nge 'dzin las g.yo bar byed pa dang / sangs rgyas kyi ye shes kyi bar chad
241a₂ byed pa dang / mi'i srog gcod pa'i sems can de phyis 'gyod cing mya ngan byed de lus 'dis bdag phung ngo / /'jig rten pha rol tu yang phung ste/ bdag ma rung ngo snyam du sems pa chen po byung ba dang / sdug bsngal gyi tshor ba myong ngo / /mi bzod pa'i tshor ba myong ngo / /kun tu dpa' ba
241a₃ sems can de ni sems can thams cad kyis spang bar 'gyur ro/ /smad par 'gyur ro/ /sems can de ni tshig pa/ ma rung bar gyur pa/ 'jig rten pa dang / 'jig rten las 'das pa'i chos kyang ma rung bar byas pa yin te/ ji ltar sdong dum tshig pa bzhin du mi de yang
241a₄ bskal pa du ma'i bar du de bzhin du 'gyur ro/ /ji ltar khyim legs par bris pa'i ka gdung tshig na mi mdzes pa ltar mi de yang de ltar 'gyur ro/ /'jig rten 'di na yang mi mdzes so/ /gang dang gang du 'gro ba de dang de dag tu yang sems can rnams kyis spyo zhing brdeg pa dang /
241a₅ bkres pa dang / skom pas nyen cing cung zad kyang mi snyed par 'gyur ro/ /de'i phyir sdug bsngal gyi tshor ba myong ste bkres shing skom pa'i rgyu dang spyos pa'i rgyus mchod rten bshig pa dang / mtshams med pa lnga'i las rjes su dran nas de'i phyir bdag gang du 'gro bar 'gyur/ bdag gi
241a₆ skyob pa ni su yin snyam du sdug bsngal la skyo ba'i sems bskyed de de yang 'di snyam du sems so/ /'di na ni bdag gi skyob pa su yang med kyis/ bdag ri dang ri'i sul dag tu song la der 'chi ba'i dus bya'o snyam mo/ /smras pa/ bdag gis sdig pa'i las byas pas/ /rtag tu sdong
241a₇ dum tshig pa bzhin/ /'jig rten 'di na'ang mi mdzes la/ /tshe gzhan na yang mdzes ma yin/ /khyim gyi nang na'ang mi mdzes la/ /phyi rol na yang mdzes ma yin/ /nyes pa'i rgyus ni sdig byas te/ /des ni ngan 'gror 'gro bar 'gyur/ /tshe gzhan du yang sdug bsngal na/ /

_{iiif viewer powered by OpenSeadragon}

240b - 241b

Texts on this page