rKTs

e-texts navigator

Volume

Page

238a₁ ba de bzhin du byang chub sems dpa' sems dpa' chen po theg pa chen po'i dam pa'i chos 'dzin cing bsgrub pa la gnas pa'i bsod nams de la ni 'khor los sgyur ba'i rgyal pos zil gyis gnon mi nus so/ /de bzhin du zung gi mdo'i chos kyi rnam grangs yi ger 'dri ba de'i bsod nams
238a₂ kyi phung po de la yang dpe bya bar mi nus so/ /kun tu dpa' ba zung gi mdo 'di ni bsod nams kyi gter ston pa'o/ /de ni nyon mongs pa thams cad zhi bar byed pa'o/ /chos thams cad kyi sgron ma 'bar bar byed pa'o/ /bdud sdig can thams cad pham par byed pa'o/ /byang chub sems
238a₃ dpa' thams cad kyi gnas rnam par 'bar bar byed pa'o/ /chos thams cad mngon par sgrub pa mngon par sgrub pa'o/ /de skad ces bka' stsal pa dang / bcom ldan 'das la byang chub sems dpa' sems dpa' chen po kun tu dpa' bas 'di skad ces gsol to/ /bcom ldan 'das
238a₄ 'di la tshangs par spyod pa ni rab tu dka' ba spyod pa lags so/ /de ci'i slad du zhe na/ bcom ldan 'das de bzhin gshegs pa'i spyod pa ni dkon pa lags te/ de bzhin du tshangs par spyod pa yang dkon pa lags so/ /gang gi tshe tshangs par spyad pa spyod pa de'i tshe de bzhin gshegs pa
238a₅ mngon du mthong bar 'gyur te/ nyin mtshan du de bzhin gshegs pa mthong bar 'gyur ro/ /gang gi tshe de bzhin gshegs pa mngon sum du mthong zhing nyin mtshan du de bzhin gshegs pa la lta bar 'gyur ba de na sangs rgyas kyi zhing mthong ngo / /nam sangs rgyas kyi zhing mthong ba de na gter
238a₆ thams cad mthong ngo / /de 'gum pa'i dus kyi tshe skrag pa skye bar mi 'gyur/ nam du yang ma'i mngal du skye bar mi 'gyur/ nam du yang mya ngan can du mi 'gyur/ sred pa'i zhags pas bcings par mi 'gyur ro/ /de skad ces gsol pa dang / bcom ldan 'das kyis byang chub sems
238a₇ dpa' sems dpa' chen po kun tu dpa' ba la 'di skad ces bka' stsal to/ /kun tu dpa' ba de bzhin gshegs pa rnams 'byung ba ni rnyed par dka'o/ /gsol pa/ bcom ldan 'das rnyed par dka' lags so/ /bde bar gshegs pa rnyed par dka' lags so/ /bcom ldan 'das

_{iiif viewer powered by OpenSeadragon}

237b - 238b

Texts on this page