rKTs

e-texts navigator

Volume

Page

235b₁ 'phrul gyis rnam par 'phrul pa 'di lta ste/ rta'i gzugs dang / glang po che'i gzugs dang / stag gi gzugs dang / nam mkha' lding gi gzugs dang / ri rab kyi gzugs dang / g.yung drung ris lta bu'i gzugs dang / la la dag ni shing ljon pa'i gzugs su ston cing thams
235b₂ cad kyang pad ma'i khri la skyil mo krung du 'khod do/ /byang chub sems dpa' bye ba stong phrag dgu ni bcom ldan 'das kyi g.yas rol na 'khod/ byang chub sems dpa' bye ba stong phrag dgu ni bcom ldan 'das kyi g.yon rol na 'khod cing de bzhin gshegs pa ni rtag tu mnyam par bzhag ste/
235b₃ thabs mkhas pas chos ston par snang ngo / /zhag bdun pa'i nyin mo de bzhin gshegs pa phyag gi mthil brkyang ste/ bcom ldan 'das kyis byang chub sems dpa' sems dpa' chen po kun tu dpa' ba pad ma bla ma'i 'jig rten gyi khams nas 'dir 'ong bar mkhyen to/ /byang chub
235b₄ sems dpa' sems dpa' chen po kun tu dpa' ba rnams 'gro ba de na rang gi rdzu 'phrul gyi stobs kyi byin gyi rlabs kyis pad ma bla ma'i 'jig rten gyi khams der nyin zhag bdun gyis phyin to/ /nam bcom ldan 'das kyis phyag brkyang ba de'i tshe byang chub sems dpa' kun tu dpa' ba bcom
235b₅ ldan 'das kyi spyan sngar 'dug ste/ bcom ldan 'das la lan gsum bskor ba byas nas/ bcom ldan 'das la sems dang zhing bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das bdag
235b₆ phyogs bcu'i 'jig rten gyi khams thams cad du mchis na/ bcom ldan 'das bdag gis rdzu 'phrul gcig gis ni sangs rgyas kyi zhing bye ba stong phrag dgu bcu rtsa dgu dang / rdzu 'phrul gnyis kyis ni bcom ldan 'das bye ba stong mthong ste/ gdugs bdun pa la pad ma bla ma'i
235b₇ 'jig rten gyi khams su phyin nas de'i bar na sangs rgyas kyi zhing mi 'khrugs pa bye ba brgya stong dag kyang mthong ste/ bcom ldan 'das de nas gdod sangs rgyas bcom ldan 'das rnams kyi rdzu 'phrul dang / sangs rgyas kyi zhing bye ba stong phrag dgu bcu rtsa gnyis dag na de bzhin gshegs pa

_{iiif viewer powered by OpenSeadragon}

235a - 236a

Texts on this page