| e-texts navigator |
| བོད་ཡིག |
230b1 bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ngo / /kun tu dpa' ba de'i tshe de'i dus na nga bram ze'i khye'u zhig tu gyur te/ ngas
230b2 sems can gang dag sangs rgyas kyi ye shes la so sor bkod pa de dag thams cad de'i tshe de'i dus na su gyur nas/ ngas de'i tshe de'i dus na 'di skad du da ltar gang la la sdug bsngal gyis yongs su gzir bar gyur pa de dag thams cad nga'i sangs rgyas kyi zhing du skye bar gyur cig
230b3 de dag thams cad kyang bdag gis sangs rgyas kyi ye shes la so sor dgod par gyur cig ces smon lam btab ste/ de dag gis kyang tshig de thos nas de bzhin du gyur cig ces de skad smras te/ kun tu dpa' ba dge ba'i rtsa ba des na sems can de dag 'dir lhags te/ bla na med pa yang dag par
230b4 rdzogs pa'i byang chub mngon par rdzogs par 'tshang rgya bar 'gyur ro/ /de nas byang chub sems dpa' sems dpa' chen po kun tu dpa' bas bcom ldan 'das las spro ba chen po thos nas/ bcom ldan 'das la 'di skad ces gsol to/ /bcom ldan 'das sems can de dag gi tshe'i tshad ji srid cig
230b5 thub par 'gyur/ bcom ldan 'das kyis bka' stsal pa/ sems can de dag gi tshe'i tshad ni bskal pa brgyad cu thub par 'gyur ro/ /byang chub sems dpa' kun tu dpa' bas gsol pa/ bcom ldan 'das bskal pa'i tshad ji tsam lags/ bcom ldan 'das kyis bka' stsal pa/ rigs
230b6 kyi bu nyon cig / 'di lta ste dper na mi la la zhig gis ra ba chu zheng du dpag tshad bcu gnyis la 'phang du dpag tshad gsum pa zhig brtsigs te/ ra ba de'i nang til gyi 'bru sha stag gis yongs su gang bar byas la/ de nas mi des lo stong 'das shing ra ba til gyi 'brus yongs su gang ba de las til
230b7 gyi 'bru gcig phyi rol tu bor te/ de lta bu'i tshul du mi des til gyi 'bru de dag thams cad zad par byas la ra ba de'i rmang yang med gzhi yang med par gyur du zin kyang bskal pa ni zad par mi 'gyur ro/ /kun tu dpa' ba gzhan yang 'di lta ste/ dper na ri rngams su dpag tshad lnga bcu/ 'phang du dpag tshad bcu
iiif viewer powered by OpenSeadragon
Texts on this page
D102 - 'phags pa zung gi mdo'i chos kyi rnams grangs