rKTs

e-texts navigator

Volume

Page

230a₁ bcom ldan 'das kyis bka' stsal pa/ kun tu dpa' ba gcig ni chos thos nas byang chub tu yongs su bsngo ste/ nam byang chub tu yongs su bsngo ba de na sems can thams cad kyi phyir chos kyis yongs su skom pa yin no/ /kun tu dpa' ba gnyis pa ni gang theg pa chen po la
230a₂ 'jug pa ste/ rtag tu yang chos kyis yongs su skom pa yin no/ /de nas lha dang / klu dang / mi dang / lha'i bu mo bye ba stan las langs nas bcom ldan 'das kyi spyan sngar thal mo sbyar te/ bcom ldan 'das la 'di skad ces gsol to/ /bcom ldan 'das bdag cag kyang chos kyis yongs
230a₃ su skom zhing mchis na/ bcom ldan 'das bdag cag dang sems can thams cad kyi bsam pa yongs su rdzogs par mdzad du gsol/ de nas bcom ldan 'das kyis de'i tshe 'dzum pa mdzad do/ /de nas byang chub sems dpa' sems dpa' chen po kun tu dpa' ba stan las langs nas/
230a₄ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das 'dzum pa mdzad pa'i rgyu gang lags rkyen gang lags/ de nas bcom ldan 'das kyis byang chub sems dpa' sems dpa' chen po kun tu dpa' ba la
230a₅ bka' stsal pa/ kun tu dpa' ba sems can gang dag 'dir lhags nas bla na med pa yang dag par rdzogs pa'i byang chub mngon par rdzogs par 'tshang rgya ba de dag thams cad ni de bzhin gshegs pa'i spyod yul yongs su sgrub pa grub par 'gyur ro/ /byang chub sems dpa' kun tu dpa'
230a₆ bas gsol pa/ bcom ldan 'das rgyu gang dang rkyen gang gis na sems can 'dir lhags pa rnams bla na med pa yang dag par rdzogs pa'i byang chub mngon par rdzogs par 'tshang rgya/ bcom ldan 'das kyis bka' stsal pa/ kun tu dpa' ba khyod de bzhin gshegs pa la don 'di 'dri bar sems
230a₇ pa ni legs so legs so/ /kun tu dpa' ba de'i phyir 'di la yongs su bsngo ba'i khyad par nyon cig /kun tu dpa' ba sngon byung ba 'das pa'i dus bskal pa grangs med par gyur pa de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rin chen dpal zhes

_{iiif viewer powered by OpenSeadragon}

229b - 230b

Texts on this page