rKTs

e-texts navigator

Volume

Page

229a₁ tshul la 'jug pa de legs par bshad du gsol/ de skad ces gsol pa dang / bcom ldan 'das kyis byang chub sems dpa' sems dpa' chen po kun tu dpa' ba la 'di skad ces bka' stsal to/ /kun tu dpa' ba khyod de bzhin gshegs pa la don 'di 'dri bar sems pa ni kun
229a₂ tu dpa' ba legs so legs so/ /kun tu dpa' ba khyod de'i phyir legs par rab tu nyon la yid la zung shig dang ngas khyod la bshad do/ /bcom ldan 'das de de bzhin no zhes gsol nas byang chub sems dpa' sems dpa' chen po kun tu dpa' ba bcom ldan 'das kyi ltar nyan pa dang / bcom ldan
229a₃ 'das kyis de la 'di skad ces bka' stsal to/ /kun tu dpa' ba zung zhes bya ba'i chos kyi rnam grangs gang da ltar yang 'dzam bu'i gling du spyod pa zhig yod de/ gang la la zhig zung gi chos kyi rnam grangs 'di thos na de'i mtshams med pa lnga'i las rnams byang zhing bla na med pa yang dag par rdzogs pa'i byang
229a₄ chub las phyir mi ldog par 'gyur ro/ /kun tu dpa' ba 'di ji snyam du sems/ gang dag gis zung gi mdo 'di thos pa de dag de bzhin gshegs pa gcig gi bsod nams kyi phung po ji snyed pa de snyed bskyed par 'gyur ro snyam na yang kun tu dpa' ba de ltar mi blta'o/ /kun tu dpa' bas gsol pa/
229a₅ 'o na ji ltar blta bar bgyi/ bcom ldan 'das kyis bka' stsal pa/ kun tu dpa' ba de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma snyed rnams kyi bsod nams kyi phung po ji snyed par byang chub sems dpa' sems dpa' chen po de dag gi bsod
229a₆ nams kyi phung po yang de snyed bskyed par 'gyur ro/ /kun tu dpa' ba gang dag chos kyi rnam grangs 'di thos pa de dag thams cad ni phyir mi ldog par 'gyur ro/ /de dag thams cad ni de bzhin gshegs pa mthong bar 'gyur ro/ /de dag thams cad ni de bzhin gshegs pa mthong ba dang mi 'bral bar
229a₇ 'gyur ro/ /de dag thams cad ni bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de dag thams cad kyis dge ba'i chos gang dag 'thob par 'gyur ba de dag la bdud sdig can gyis mi rdzi bar 'gyur ro/ /kun tu dpa' ba gang dag zung gi mdo 'di thos pa de dag

_{iiif viewer powered by OpenSeadragon}

228b - 229b

Texts on this page