| e-texts navigator |
| བོད་ཡིག |
227b1 bstan pa na/ /gang dag gis ni de ring nga mthong 'gyur/ /de dag phyi dus 'jigs pa chen po'i tshe/ /chos de thos nas dga' ba thob par 'gyur/ /nga ni dmigs pa 'ba' zhig 'chad pa yin/ /'jigs med nga yi tshig der dad par byos/ /gang gi 'di na ston pa mthong gyur pa/ /de
227b2 dag chos de 'dzin par spro bar 'gyur/ /ye shes de 'dra de ni tshol byed cing / /de tshe 'dren pa rnams la mchod par byed/ /ring bsrel mchod dang de bzhin mchod rten mchod/ /'jigs med de dag der ni byed par 'gyur/ /yongs su gtad pa'i phan yon gyi le'u ste bco
227b3 lnga pa'o/ / //de nas tshe dang ldan pa kun dga' bo stan las langs nas/ bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das la 'di skad ces gsol to/ /bcom ldan 'das chos kyi rnam grangs 'di'i ming ci lags/ de ji ltar
227b4 gzung bar bgyi/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo de'i phyir chos kyi rnam grangs 'di ni dge ba'i rtsa ba yongs su 'dzin pa zhes bya bar zung shig bsod nams kyi tshogs kyi gnas zhes bya bar yang zung shig
227b5 byang chub sems dpa' 'grogs pa zhes bya bar yang zung shig / byang chub sems dpas zhus pa zhes bya bar yang zung shig /the tshom thams cad gcod pa'i le'u zhes bya bar yang zung shig /bcom ldan 'das kyis de skad ces bka' stsal nas/ tshe dang ldan pa kun dga' bo dang / byang
227b6 chub sems dpa' brtan pa'i blo gros dang / byang chub sems dpa' de dag dang / nyan thos chen po de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa dge ba'i rtsa ba yongs su 'dzin pa zhes bya
227b7 ba theg pa chen po'i mdo rdzogs so/ / //rgya gar gyi mkhan po pradz+nyA warma dang / lo ts+tsha ba ban de legs kyi sdes bsgyur/ rgya gar gyi mkhan po pradz+nyA warma dang / dz+nyA na gar b+ha dang / zhu chen gyi lo ts+tsha ba ban de ye shes sdes zhus te gtan la phab pa// //
iiif viewer powered by OpenSeadragon
Texts on this page
D101 - 'phags pa dge ba'i rtsa ba yongs su 'dzin pa zhes bya ba theg pa chen po'i mdo