rKTs

e-texts navigator

Volume

Page

225b₁ gang yang chos de tshol byed cing / /sangs rgyas mthong bar 'dod byed pa/ /de yis myur bar 'di 'dra'i chos/ /ting nge 'dzin 'di btsal bar bya/ /gang dag ting 'dzin de thob nas/ /dga' ba bzang po skyed byed pa/ /sangs rgyas stong phrag mang po dag /de dag gis ni sngon chad shes/ /ting nge 'dzin gyi las kyi le'u ste bcu bzhi
225b₂ pa'o/ / //brtan pa'i blo gros gzhan yang mngon par shes pa myur ba nyid du bya ba'i phyir de bzhin gshegs pa'i mchod rten mchod pa dang / phyir bcos pa dang / byi dor bya ba lhur blang bar bya ste/ brtan pa'i blo gros de la rigs kyi bu'am/ rigs kyi bu mo gang zhig de bzhin gshegs pa'i mchod rten byi dor byed pa de ni
225b₃ smon lam gyi mchog rnam par dag pa bzhi rjes su 'thob po/ /bzhi gang zhe na/ gzugs kyi smon lam gyi mchog rnam par dag pa dang / dal ba phun sum tshogs pa'i smon lam gyi mchog rnam par dag pa dang / yang dag par blang ba brtan pa'i smon lam gyi mchog rnam par dag pa dang / de bzhin gshegs pa blta ba'i
225b₄ smon lam gyi mchog rnam par dag pa'o/ /smon lam dge bas bskyed pa yis/ /mngon grub de bzhin gshegs rnams 'byung / /dmigs pa'i rab tu dbye ba yis/ /ji ltar sprul pa 'byung ba bzhin/ /zhabs mthil zhabs sor 'og 'khor lo/ /dpe byad las ni 'byung bar 'gyur/ /dpe byad bzang 'byor 'di 'dra ba/ /
225b₅ de ni bshad byas de nyon cig /de bzhin nga yi dpe byad rab tu gsal/ /nga yi sor mo dag la 'thun par gnas/ /yang dag 'phags shing rjes su 'thun par gnas/ /de yi yangs par gnas pa yang dag 'phags/ /de yi 'od zer gnas pa mngon du 'phags/ /'od zer bye ba ji bzhin rab tu snang / /lhun po bzhin du 'od
225b₆ kyis yang dag 'byung / /de yi steng na 'od zer dra ba can/ /snying po bsags pa'i dpe byad de dag la/ /de tshe 'od zer gnas pa bye phrag bcu/ /de tshe kun gyi ming ni gzhan dang gzhan/ /de tshe 'od dang mdog kyang gzhan dang gzhan/ /nga yi 'od zer gcig las 'od stong 'byung / /de tshe thams cad kha dog du mar gnas/ /stong
225b₇ gsum gyi ni sa de bshig nas su/ /'og tu de dag sangs rgyas mdzad pa byed/ /nga ni sangs rgyas 'od kyis byung ba yin/ /nga ni las kyi 'bras bus 'ongs ma yin/ /de bzhin gshegs pa'i 'od de mthong nas su/ /skyes pa bud med dag ni myos par 'gyur/ /bskal pa bye ba mang por mngon par sprul/ /yang na sangs rgyas zhing bkod

_{iiif viewer powered by OpenSeadragon}

225a - 226a

Texts on this page