rKTs

e-texts navigator

Volume

Page

223b₁ yin/ /bsgom pa yang rab tu shes pa yin/ gdams ngag gi skyon yang rab tu shes pa yin/ bsgom pa'i skyon yang rab tu shes pa yin te/ bzhi po de dag go/ /de la 'di skad ces bya ste/ gdams ngag dang ni de bzhin bsgom pa'ang shes/ /de la de bzhin bsgom pa'i skyon dang ni/ /gdams ngag skyon yang rab tu
223b₂ shes nas su/ /skyon med chos kyis sbyor bar byed pa yin/ /brtan pa'i blo gros chos gzhan bzhi dang ldan pa ni dge ba'i bshes gnyen du rig par bya ste/ bzhi gang zhe na/ 'di lta ste/ sa yang rab tu shes pa yin/ yul yang rab tu shes pa yin/ gang zag kyang rab tu shes pa yin/ spyod pa yang rab tu shes pa
223b₃ yin no/ /ji ltar sa rab tu shes pa yin zhe na/ gang zag dang 'tsham pas sa ji lta ba bzhin du rab tu shes pa'o/ /ji ltar gang zag rab tu shes pa yin zhe na/ spyad pas gang zag tu 'gyur ba ji lta ba de bzhin du rab tu shes pa'o/ /ji ltar spyod pa rab tu shes pa yin zhe na/ 'dod chags dang / zhe sdang dang / gti
223b₄ mug gi spyod pa dang rjes su 'thun pa'i chos bstan pa la 'jug pa nges par bstan pas ni chags pa rnam par spong ba nyid kyi phyir chos gos gsum lhur len pa yin/ rab tu byung ba dang / khyim pa dag dang lhan cig ma 'dres pa yin zhing / rtsod pa rnam par spong ba dang / zab mo la bzod pa dang / stong pa nyid kyi spyod yul ba yin
223b₅ te/ brtan pa'i blo gros chos bzhi po de dag dang ldan pa ni ting nge 'dzin de thob par 'gyur ba'i dge ba'i bshes gnyen du rig par bya'o/ /brtan pa'i blo gros byang chub sems dpa' khyim pa chos bzhi dang ldan na ting nge 'dzin de thob par bya ba dang / ting nge 'dzin de la mngon par brtson par nus te/ bzhi gang zhe na/ brtan pa'i
223b₆ blo gros 'di la byang chub sems dpa' khyim pas ni bslab pa'i gzhi lnga gzung bar bya ba yin/ za gcig pa lhur len pas gtsug lag khang du gnas par yang bya ba yin/ mang du thos par yang bya ba yin/ don rnam par nges pa la mkhas pa dang / gang dag ting nge 'dzin de la gnas nas 'doms par byed pa'i dge
223b₇ ba'i bshes gnyen la bsten par bya ba yin te/ brtan pa'i blo gros byang chub sems dpa' khyim pa chos bzhi po de dag dang ldan na ting nge 'dzin de thob par bya ba'i phyir sbyor bar bya'o/ /brtan pa'i blo gros chos gzhan bzhi dang ldan pas sbyor bar bya ste/ bzhi gang zhe na/ chos thams cad la mi gnas pas ting nge 'dzin de thob par bya

_{iiif viewer powered by OpenSeadragon}

223a - 224a

Texts on this page