rKTs

e-texts navigator

Volume

Page

223a₁ zhing chos bstan pa la snyom las med pa yang yin/ dngos po thams cad rnam par 'jig pa nyid kyis chos zab mo la bzod pa thob pa yang yin/ dben pa la gzhol ba nyid kyis mi gnas pa'i bsam gtan pa yang yin te/ brtan pa'i blo gros chos bzhi po de dag dang ldan pa'i byang chub sems
223a₂ dpas ni ting nge 'dzin de thob par nus so/ /de la 'di skad ces bya ste/ gal te dge ba'i bshes gnyen gyis/ /'di ltar rjes su 'thun 'doms byed/ /sangs rgyas rnams kyis bgrod bya ba/ /de mi spong bar nga smra'o/ /brtan pa'i blo gros chos bzhi dang ldan pa ni dge ba'i bshes gnyen du rig par bya ste/ bzhi gang zhe na/ dge
223a₃ ba la sbyor bar byed pa nyid yin/ sdig pa las zlog par byed pa nyid yin/ chos la yang rab tu gzhog par byed pa yin/ rjes su 'thun pa'i rjes su bstan pa yang sbyin par byed pa yin te/ bzhi po de dag go/ /de la 'di skad ces bya ste/ dge ba'i bshes gnyen rtag tu bsten par bya/ /gang dag sdig pa'i chos rnams zlog byed
223a₄ cing / /rgyal bas gnang ba'i chos ni ston byed pa/ /skyes mchog de 'dra de dag bsten par bya/ /gang las chos ni 'byung bar 'gyur ba yi/ /dpa' bo dag ni rjes 'thun gdams ngag sbyin/ /ji ltar bstan pa bzhin du chos la gnas/ /chos la gnas nas kyang ni khyad par 'gro/ /gang dag bsten par bya ba'i chos rnams sten/ /
223a₅ gang dag bsten par bya ba'i chos rnams shes/ /rnam par spang bar bya ba'ang rnam spangs nas/ /rgyal bas gnang ba'i chos rnams sten par byed/ /rang gi shes pas rab tu bstan pa'i phyir/ /byang chub sems dpa' gang zhig spobs 'dod pas/ /ting 'dzin de ni myur du bsgom par bya/ /dge ba'i bshes gnyen rjes su 'brang bar bya/ /ji ltar bstan
223a₆ pa bzhin du yongs su spang / /chos ni gang yang rnam par spang mi bya/ /chos gang kho na thob par 'gyur ba yi/ /de nyid phan pa'i don du bstan par bya/ /bsam pa thams cad kyis ni bsgrub par bya/ /de yis g.yo ni nges par bstan mi bya/ /dge ba'i bshes gnyen rtag tu bsten pa yis/ /de 'dra'i chos de don du gnyer bar bya/ /de phyir dge ba'i
223a₇ bshes gnyen bsten par bya/ /sdig pa'i grogs po yongs su spang bar bya/ /dge ba'i bshes gnyen las ni thos pa 'byung / /de las ting 'dzin de yang myur du 'thob/ /brtan pa'i blo gros gzhan yang chos bzhi dang ldan pa'i dge ba'i bshes gnyen ni bsten par bya ba yin te/ bzhi gang zhe na/ gdams ngag kyang rab tu shes pa

_{iiif viewer powered by OpenSeadragon}

222b - 223b

Texts on this page