rKTs

e-texts navigator

Volume

Page

222a₁ 'gro ba stong par shes/ /dmigs pa yi ni mtshan ma bzung nas su/ /sems dang lus kyi 'gyur ba mthong bar 'gyur/ /de phyir ting 'dzin de ni myur bsgoms pas/ /de yi shes pa de ltar chos la zhugs/ /chos bstan pa yis rnam par 'phrul bar 'gyur/ /chos bstan tshe na nam yang rmongs mi 'gyur/ /mi rnams kyi ni dge
222a₂ ba bskyed par 'gyur/ /ring po mi thogs chos de'ang thob par 'gyur/ /sgo'i tshig mngon par sgrub pa'i le'u ste bcu gsum pa'o// //brtan pa'i blo gros chos bzhi dang ldan na/ ting nge 'dzin de sgrub pa dang gzhan dag la bstan par nus te/ bzhi gang zhe na/ ting nge 'dzin de thob par bya ba'i phyir brtson 'grus brtsams
222a₃ pa yin zhing brtson pa mi gtong ba yang yin/ nyin mtshan nyid du 'chag pa lhur len pas 'dug pa na byang chub kyi snying po mchog na bzhugs pa'am/ chos kyi 'khor lo bskor ba'i de bzhin gshegs pa de dag mngon du byed cing chos la ser sna yang med pa yin/ chos kyi sbyin pa yang sbyin par byed cing bdag nyid dang chos nyan pa de
222a₄ dag de bzhin gshegs pa'i sku dag tu byin gyis rlob par byed la rang gi lus rnam par 'jig par byed kyang / gang la yang mi gnas pa yin zhing mi gnas bzhin du chos ston par byed pa yin/ de gnas pa de lta bu dang spyod yul de lta bu dang / byin gyi rlabs de lta bur byas nas stan de la 'dug par byed cing / 'dug nas kyang chos
222a₅ kyi sbyin pa sbyin par byed pa yin te/ de ting nge 'dzin de thob par 'gyur ro/ /brtan pa'i blo gros kha cig gis ni chos kyi sbyin pa sbyin par byed pa na thob par 'gyur ro/ /kha cig gis ni phyis so/ /kha cig gis ni rtsom pa'i tshe'o/ /brtan pa'i blo gros chos gzhan bzhi dang ldan pas ting nge 'dzin de la sbyor bar bya ste/ brtan pa'i blo
222a₆ gros bzhi gang zhe na/ 'di la byang chub sems dpa' khyim gyi gnas nas mngon par byung ba yin/ bas mtha'i gnas mal na gnas shing dgon pa dang rab tu dgon pa la mngon par dga' ba yin/ de sems can gyi spyod pa la 'jug pa dag la rjes su rnam par bltas nas yul ji lta ba bzhin du gdams ngag dang rjes su
222a₇ bstan pa ston par byed pa yin/ byang chub sems dpa' mos pa ji lta ba rnams kyi spyod pa yang yang dag par rab tu shes pa yin no/ /brtan pa'i blo gros chos gzhan bzhi dang ldan pa ni dge ba'i bshes gnyen du rig par bya ste/ bzhi gang zhe na/ tshar gcod pa'i tshig dang ldan pa nyid yin/ chos zab mo la sbyor bar byed pa nyid

_{iiif viewer powered by OpenSeadragon}

221b - 222b

Texts on this page