rKTs

e-texts navigator

Volume

Page

24a₁ po yang / /de bzhin gshegs pa ma mthong na/ /mu stegs nang du rgyal ba bas/ /bdag nyid mchog ces sgrogs par byed/ /bzang po de bzhin gshegs pa yi/ /sgyu mas sgyu mar rtogs byed pa/ /tshad mar gyur pa gsungs nas ni/ /de la bdud kyi gting mi dpogs/
24a₂ byang chub sems dpa' seng ge'i blo gros kyis smras pa/ zhal zas 'di ni sprul pa ste/ /bsnyen bkur byed pa'ang sprul pa yin/ /spyod par byed pa'ang sprul pa ste/ /sbyin pa dge ba bla na med/ /byang chub sems dpa' byams pas smras pa/ me ni mar dang til mar gyis/ /
24a₃ phyi phyir zhing ni rab tu mched/ /de bzhin bzang po'i sgyu ma yis/ /sangs rgyas sgyu ma nges par bstan/ /'jam dpal gzhon nur gyur pas smras pa/ /ji ltar 'di ni sngon gnas pa/ /thams cad byed pa med pa ltar/ /de bzhin chos rnams thams cad ni/ /sngon gyi
24a₄ mtha' nas rtag tu mnyam/ /de nas bcom ldan 'das kyis sgyu ma mkhan bzang po shin tu gdul ba'i dbang du mdzad nas khyim bdag cig sprul te/ 'khor gyi khyams de'i nang du zhugs nas sgyu ma mkhan bzang po la 'di skad ces smras so/ /bzang po ci byed smras pa/ dge
24a₅ sbyong gau ta ma 'di gdugs tshod gsol bar byed do/ /des smras pa/ bzang po thong de skad ma zer/ de bzhin gshegs pa de ni dge slong gi dge 'dun dang thabs cig tu rgyal po ma skyes dgra'i khab na gdugs tshod gsol zhing bzhugs so/ /sgyu ma mkhan bzang pos kyang sangs
24a₆ rgyas kyi mthus de bzhin gshegs pa dge slong gi dge 'dun dang thabs cig tu rgyal po ma skyes dgra'i khab na gdugs tshod gsol bar mthong ngo / /de nas yang bcom ldan 'das kyis khyim bdag gnyis pa zhig mngon par sprul nas de nang du zhugs te/ sgyu ma mkhan bzang po la 'di skad
24a₇ ces smras so/ /bzang po ci byed smras pa/ dge sbyong gau ta ma 'di gdugs tshod gsol bar byed do/ /des smras pa/ thong de skad ma zer/ de bzhin gshegs pa de ni dge slong gi dge 'dun dang thabs cig tu kun tu rgyu'i srang na bsod snyoms kyi phyir rgyu zhing bzhugs so/ /sgyu ma

_{iiif viewer powered by OpenSeadragon}

23b - 24b

Texts on this page