| e-texts navigator |
| བོད་ཡིག |
22b1 de nas lha rnams kyi dbang po brgya byin gyis sgyu ma mkhan bzang po'i sems kyi rnam par rtog pa sems kyis yongs su shes nas sgyu ma mkhan bzang po la 'di skad ces smras so/ /bzang po ji ltar khyod kyis de bzhin gshegs pa'i phyir gnas kyi bkod pa byas pa 'di med
22b2 par bya mi nus pa de bzhin du bzang po gang dag de bzhin gshegs pa la sems bskyed pa 'ga' tsam thob pa de dag gi sems bskyed pa de yang med par mi 'gyur te/ de dag gi de ni yongs su mya ngan las 'das pa'i bar gyi rgyur 'gyur ro/ /de nas sgyu ma mkhan bzang po dga'
22b3 mgu yi rangs te/ rab tu dga' zhing yid bde bar gyur nas de nyid kyi mtshan mo 'das pa dang / bcom ldan 'das la gdugs tshod la bab pa skul bar byed de/ bcom ldan 'das gdugs tshod lags pa'i dus dang tshod la bab na da gdugs tshod la bab par dgongs su gsol
22b4 zhes gsol to/ /de nas bcom ldan 'das snga dro'i dus kyi tshe sham thabs mnabs/ chos gos gsol/ lhung bzed thogs te/ dge slong gi dge 'dun gyis yongs su bskor cing dge slong gi dge 'dun gyi dang la gshegs te/ rgyal po'i khab kyi grong khyer chen por
22b5 gshegs nas/ sgyu ma mkhan bzang po'i 'khor gyi khyams ga la ba der gshegs te/ gang gis na sgyu ma mkhan bzang po yang de bzhin gshegs pa ni bdag gis sprul pa'i bkod pa na bzhugs so snyam du shes/ rgyal po chen po bzhi yang de bzhin gshegs pa ni bdag cag
22b6 gis sprul pa'i bkod pa na bzhugs so snyam du shes/ lha rnams kyi dbang po brgya byin yang de bzhin gshegs pa ni bdag gis sprul pa'i bkod pa na bzhugs so snyam du shes par 'gyur ba de lta bu'i rdzu 'phrul mngon par 'du mdzad pa mngon par 'du mdzad do/ /rgyal po'i khab
22b7 kyi grong khyer chen po de na gzhan mu stegs can dang / spyod pa ba dang / kun tu rgyu dang / bram ze dang / khyim bdag gang dag gis thos pa de dag ni ngo mtshar du gyur nas 'khor gyi khyams der dong ste/ de ring dge sbyong gau tam lam tho 'tsham pa blta bar bya'o snyam mo/ /rgyal po'i
iiif viewer powered by OpenSeadragon
Texts on this page
D65 - 'phags pa sgyu ma mkhan bzang po lung bstan pa zhes bya ba theg pa chen po'i mdo