rKTs

e-texts navigator

Volume

Page

22a₁ par bya ba'i 'khor gyi khyams kyi bkod pa 'di lta bu 'di mngon par sprul pa ni rnyed pa legs par rnyed do/ /bzang po kho bo cag kyang / de bzhin gshegs pa la mchod pa'i las bya zhing bcom ldan 'das kyis yongs su longs spyad pa dang / khyod la bstang ba'i
22a₂ phyir 'khor gyi khyams kyi bkod pa 'di lta bu gnyis pa cung zhig ston par byed na kho bo cag la gnang bar gyis shig / de nas sgyu ma mkhan bzang po shin tu ngo mtshar du gyur nas lha rnams kyi dbang po brgya byin la gnang ba dang / de nas lha rnams kyi dbang po brgya byin gyis bcom ldan
22a₃ 'das kyis yongs su longs spyad par bya ba sum cu rtsa gsum pa'i lha rnams kyi khang rnam par rgyal ba dang / yongs 'du sa brtol bas ches khyad par du 'phags pa'i 'khor gyi khyams zhig mngon par sprul te/ 'khor gyi khyams des sgyu ma mkhan bzang po'i bkod pa dang / rgyal
22a₄ po chen po bzhi'i bkod pa yang mog mog por byas par gyur to/ /de nas sgyu ma mkhan bzang po 'di snyam du sems te/ lha'i bu 'di lta bu 'di dag kyang bcom ldan 'das la rim gro bya ba dang / mchod pa'i las bya ba'i phyir mngon par brtson te lhags pa dang sbyar na/ sems can
22a₅ 'di ni tha mal pa ma yin pas bdag gis sems can mchog de lta bu la tho btsams par gyur na mi rung gis bya ba 'di lta bu 'di dag dor gor ma chag snyam mo/ /de nas sgyu ma mkhan bzang po sprul pa'i bya ba de dag 'dor bar byed/ de dag med par byed de/ gsang sngags dang
22a₆ rig sngags kyi stobs bskyed pa thams cad kyis med par byed cing mi snang bar bya bar brgal kyang zhal zas dang / rim gro ba dang / 'khor gyi khyams kyi bkod pa dang / seng ge'i khri yang de kho na bzhin du snang ste/ gsang sngags dang / rig sngags kyi stobs bskyed pa thams
22a₇ cad kyis med par bya ma nus pa dang / de shin tu ngo mtshar du gyur nas 'di snyam du sems te/ bdag sngon chad ni 'dod na sgyu ma ston par yang byed/ 'dod na sgyu ma med par yang byed na/ da ni de bzhin gshegs pa'i ched du gnas kyi bkod pa byas pa med par byed ma nus so snyam mo/ /

_{iiif viewer powered by OpenSeadragon}

21b - 22b

Texts on this page