| e-texts navigator |
| བོད་ཡིག |
21a1 gal gyi bu 'di ji snyam du sems/ sgyu ma mkhan bzang pos rlung gi dkyil 'khor de dag gi nang du 'dug par nus sam/ gsol pa/ ma lags so/ /bcom ldan 'das kyis bka' stsal pa/ maud gal gyi bu nga ni rlung gi dkyil 'khor de dag thams cad
21a2 kyi nang du spyod lam bzhis gnas par byed do/ /de bzhin gshegs pa ni bzhed na rlung gi dkyil 'khor thams cad yungs 'bru gcig gi nang du 'jog par mdzad/ 'jug par mdzad la/ yungs 'bru de yang rnam par 'jig par mi 'gyur zhing / yungs 'bru de'i nang du rlung gi dkyil 'khor
21a3 de dag thams cad kyi bya ba thams cad kyang nye bar ston par mdzad la/ rlung de dag phan tshun thug par yang mi 'gyur/ ltung bar yang mi 'gyur ro/ /maud gal gyi bu nga ni sgyu ma'i chos nyid de lta bu dang de ma yin pa gzhan yang tshad med pa dang ldan no/ /de nas tshe dang ldan pa maud gal gyi bu
21a4 chen po dang / thams cad dang ldan pa'i 'khor de ngo mtshar du gyur nas bcom ldan 'das kyi zhabs la mgo bos phyag 'tshal te ngag 'thun par tshig tu smras pa/ bcom ldan 'das bdag cag gis rnyed pa legs par rnyed de/ ston pa 'di ltar rdzu 'phrul che ba/ 'di ltar dbang che bar
21a5 grags pa/ 'di ltar mthu che ba ni bdag cag gis rnyed pa legs par rnyed lags so/ /bcom ldan 'das gang dag de bzhin gshegs pa'i cho 'phrul 'di thos nas mos par bgyid cing mos par bgyis nas kyang bla na med pa yang dag par rdzogs pa'i byang chub tu sems bskyed par bgyid pa
21a6 de dag kyang rnyed pa legs par rnyed pa lags so/ /de nas sgyu ma mkhan bzang po rgyal po'i khab kyi grong khyer chen po ga la ba der song ste/ de nyid kyi nub mo rgyal po'i khab kyi grong khyer chen po'i phyogs gang na grong khyer thams cad kyi btsog dgu dang / mi 'thun pa thams cad 'bab pa dang /
21a7 'byung ba'i sa phyogs der 'khor gyi khyams chen po dar gyi lda ldi dang / gdugs dang / rgyal mtshan dang / ba dan bsgreng bas brgyan pa/ gzhi lag mthil ltar mnyam pa/ me tog bkram pa/ spos bzang po mchog gis bdugs pa/ steng du bla re bres pa zhig mngon par sprul to/ /
iiif viewer powered by OpenSeadragon
Texts on this page
D65 - 'phags pa sgyu ma mkhan bzang po lung bstan pa zhes bya ba theg pa chen po'i mdo