| e-texts navigator |
| བོད་ཡིག |
20a1 b sam pa dang ldan pa la 'dir khas len pa dang sbyar na 'di ni thams cad mkhyen pa yang ma yin la thams cad gzigs pa dang ldan pa yang ma yin no snyam nas de nas sgyu ma mkhan bzang po bcom ldan 'das kyi zhabs la mgo bos phyag 'tshal nas bcom ldan 'das kyi thad
20a2 nas song ngo / /de nas bcom ldan 'das la tshe dang ldan pa maud gal gyi bu chen pos 'di skad ces gsol to/ /sgyu ma mkhan bzang pos ni sgyu ma'i za ma tog gis dge slong gi dge 'dun 'di la mtho 'tsham par 'gyur lags so/ /bcom ldan 'das kyis bka' stsal pa/ maud gal gyi
20a3 bu khyod snying las chung bar gyis shig dang / ngas yun ring po nas spyad pa bsgrubs pas na de bzhin gshegs pa ni 'dir dus mkhyen pa yin te/ de bzhin gshegs pa la ni lta dang bcas pa'i 'jig rten gyis kyang tho btsam par mi nus so/ /maud gal gyi bu gzhan yang 'dod chags ni mtho
20a4 'tsham par byed pa yin/ zhe sdang ni mtho 'tsham par byed pa yin/ gti mug ni mtho 'tsham par byed pa yin na/ de dag ni de bzhin gshegs pa la bag la nyal dang bcas te zad bral yongs su gyur/ gzod ma nas ma skyes pa'i chos can yin te/ des na de bzhin gshegs pa la lha dang
20a5 bcas pa'i 'jig rten gyis kyang tho btsam par mi nus so/ /maud gal gyi bu gzhan yang sgyu ma mkhan bzang po'i sgyu ma ni phyogs gcig pa yin pas sgyu ma yang dag pa ma yin gyi/ de bzhin gshegs pa'i sgyu ma ni yang dag pa yin te/ des na chos thams cad sgyu ma lta bur mngon par rdzogs par
20a6 sangs rgyas so/ /maud gal gyi bu sems can gyi khams su gdags par 'dogs pa ji snyed pa de dag thams cad 'di lta ste/ sgyu ma mkhan bzang po'i sgyu ma 'di lta bu dang ldan par gyur kyang de dag thams cad kyis de bzhin gshegs pa'i sgyu ma la brgya'i char yang nye bar mi 'gro/
20a7 stong gi char yang nye bar mi 'gro/ bye ba 'bum gyi char yang / grangs su yang / char yang / bgrang bar yang / dper yang nye bar mi 'gro'o/ /maud gal gyi bu 'di ji snyam du sems/ sgyu ma mkhan bzang pos stong gsum gyi stong chen po'i 'jig rten gyi khams 'di rgyan thams cad kyis
iiif viewer powered by OpenSeadragon
Texts on this page
D65 - 'phags pa sgyu ma mkhan bzang po lung bstan pa zhes bya ba theg pa chen po'i mdo