rKTs

e-texts navigator

Volume

Page

19a₁ par rnyed do/ /sgyu ma mkhan bzang pos bcom ldan 'das kyi grags pa dang / snyan pa dang / tshigs su bcad pa lhag par mngon par 'phags te/ 'di ltar de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde
19a₂ bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das de ni thams cad mkhyen pa/ thams cad gzigs pa ste/ thams cad ni mkhyen/ thams cad ni gzigs/ de bzhin gshegs pa'i stobs
19a₃ bcu dang ni ldan/ de bzhin gshegs pa'i mi 'jigs pa bzhi dang ni ldan/ so so yang dag par rig pa bzhi dang ni ldan/ sangs rgyas kyi chos ma 'dres pa brgyad dang ni ldan/ byams pa chen po dang / snying rje chen po dang ni ldan/ sangs rgyas kyi spyan nyams pa mi mnga' ba dang ni ldan/
19a₄ spyan lnga dang ni ldan/ cho 'phrul yang brnyes te/ kun rjod pa'i cho 'phrul ni brnyes/ rjes su bstan pa'i cho 'phrul ni brnyes/ rdzu 'phrul gyi cho 'phrul ni brnyes so/ /bzhed na stong gsum gyi stong chen po'i 'jig rten gyi khams grong khyer dang bcas pa/ grong rdal dang bcas pa/ sa dang
19a₅ bcas pa/ 'gro ba dang bcas pa/ ri rab dang bcas pa/ rgya mtsho'i mthas gtugs pa/ lha'i gnas dang bcas pa/ khor yug dang 'obs su bcas pa/ rtswa dang shing dang rir bcas pa 'di nam mkha' la bskal pa'am/ bskal pa bas lhag par skra'i rtse mo'i cha shas tsam la 'dzin par
19a₆ mdzad do zhes thos so/ /thos nas kyang yang de 'di snyam du sems te/ yul ma ga d+ha ril gyi skye bo thams cad bdag gis 'dun par byas/ rmongs par byas/ mgo 'khor bar byas nas ya mtshan gyi chos la bkod de/ bram ze dang / khyim bdag chen po gang dag yin pa de dag kyang bdag gi
19a₇ ming gis rab tu mgu bar gyur na/ de bzhin gshegs pa dgra bcom pa yang dag par rdzogs pa'i sangs rgyas de gcig pu da dung ma bgams/ rmongs par ma byas/ mgo 'khor bar ma byas kyis ma la bdag de bzhin gshegs pa dgra bcom pa yang dag par rdzogs pa'i sangs rgyas ga la ba

_{iiif viewer powered by OpenSeadragon}

18b - 19b

Texts on this page