rKTs

e-texts navigator

Volume

Page

98a₁ nye ste/ de dag ni ring po mi thogs par mngon sum du lung bstan pa thob par 'gyur bar rig par bya'o/ /rab kyi rtsal gyis rnam par gnon pa 'di lta ste/ dper na sems can gang dag dge ba bcu'i las kyi lam yang dag par bzung ste/ 'dug
98a₂ pa'i sems can de dag byang gi sgra mi snyan du skye ba dang nye ba ste/ der thug par rig par bya'o/ /rab kyi rtsal gyis rnam par gnon pa de bzhin du shes rab kyi pha rol tu phyin pa 'di byang chub sems dpa' gang gi lag tu 'gro bar 'gyur ba de yang bla na med pa yang dag par rdzogs pa'i
98a₃ byang chub dang nye bar rig par bya'o/ /rab kyi rtsal gyis rnam par gnon pa 'di lta ste/ dper na sems can gang dag sbyin pa sbyin zhing / lhug par gtong bar gyur la sems can rnams kyang sbyin pa dang / snyan par smra ba dang / don spyod pa dang / don 'thun pas kun du sdud
98a₄ cing tshul khrims kyang srung la nga rgyal bcom pa'i sems can de dag myur du rigs mthon po dang longs spyod chen por 'gyur te/ der thug par rig par bya'o/ /rab kyi rtsal gyis rnam par gnon pa 'di lta ste/ dper na sems can gang dag sbyin pa'i ngang tshul can du gyur pa/ tshul
98a₅ khrims phun sum tshogs par gyur pa/ bzod pa phun sum tshogs par gyur pa/ sems can la byams pa skyed pa/ sems can rnams kyang tshul khrims 'dzin du 'jug cing dbang por 'gyur ba'i las bsags pa de dag ni myur du 'khor los sgyur ba'i rgyal po byed par 'gyur bar
98a₆ rig par bya'o/ /rab kyi rtsal gyis rnam par gnon pa de bzhin du shes rab kyi pha rol tu phyin pa 'di byang chub sems dpa' gang gi lag tu 'gro bar 'gyur ba de yang myur du byang chub kyi snying por 'gro bar rig par bya'o/ /rab kyi rtsal gyis rnam par gnon pa 'di lta ste/ dper na rgyal
98a₇ po rgyal rigs gang zla ba nya tshes lnga la don byed cing 'dug pa'i mdun du 'khor lo rin po che byung bar gyur na/ de nyid 'khor los sgyur bar 'gyur zhing / myur du de'i rin po che sna bdun thams cad kyang 'byung bar 'gyur bar rig par bya'o/ /rab kyi rtsal gyis rnam par gnon pa de

_{iiif viewer powered by OpenSeadragon}

97b - 98b

Texts on this page