| e-texts navigator |
| བོད་ཡིག |
96a1 so so'i skye bo dang / nyan thos dang / rang sangs rgyas dang / sangs rgyas kyi chos la rab tu mi gnas/ mya ngan las 'das pa la rab tu mi gnas/ sangs rgyas kyi ye shes dang / stobs dang / mi 'jigs pa la rab tu mi gnas/
96a2 thogs pa med pa'i ye shes la rab tu mi gnas/ 'das pa dang / ma 'ongs pa dang / da ltar byung ba'i ye shes mthong ba la rab tu mi gnas/ sangs rgyas kyi zhing phun sum tshogs pa la rab tu mi gnas/ nyan thos bkod pa phun sum tshogs pa la rab tu mi
96a3 gnas/ byang chub sems dpa' bkod pa phun sum tshogs pa la rab tu mi gnas so/ /de ci'i phyir zhe na/ rab kyi rtsal gyis rnam par gnon pa chos thams cad mi gnas pa'i phyir ro/ /rab kyi rtsal gyis rnam par gnon pa chos thams cad ni gnas med pa'o/ /
96a4 de ci'i phyir zhe na/ rab kyi rtsal gyis rnam par gnon pa chos thams cad ni gzhi med pa ste gzhi med pa'i phyir mi gnas so/ /rab kyi rtsal gyis rnam par gnon pa gal te chos thams cad la gnas yod par gyur na ni chos rnams kyi gzhi yod pa'am/ ther zug tu
96a5 gnas par 'gyur te/ de bzhin gshegs pas kyang 'di ni chos rnams kyi rten/ 'di ni chos rnams kyi gzhi 'di ni chos rnams kyi bsags pa zhes chos thams cad kyi gnas ston par 'gyur ba zhig na/ rab kyi rtsal gyis rnam par gnon pa gang gi phyir chos thams cad
96a6 mi gnas shing gzhi med pa dang / sogs pa med pa de'i phyir chos gang yang ther zug tu gnas pa med de de bas na de bzhin gshegs pas chos rnams kyi gnas dang gzhi dang sogs pa ma bstan to/ /rab kyi rtsal gyis rnam par gnon pa chos thams cad ni yongs su ma
96a7 grub pa ste/ rang bzhin med pa'o/ /chos gang yang med cing yongs su ma grub pas chos rnams ni gang du yang mi gnas te/ de'i phyir chos thams cad ni mi gnas pa zhes bya'o/ /rab kyi rtsal gyis rnam par gnon pa gnas med pa'i tshul dang / rten med
iiif viewer powered by OpenSeadragon
Texts on this page
D14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa