| e-texts navigator |
| བོད་ཡིག |
92b1 byed pa dang / shes pa po dang / shes par byed pa dang / 'du ba dang / 'bral ba rnyed par 'gyur te/ de bzhin gshegs pas kyang chos rnams kyi byed pa po dang / byed du 'jug pa dang / slong ba po dang / kun nas slong ba po dang / tshor ba po dang / tshor bar byed pa dang / shes
92b2 pa po dang / shes par byed pa dang / 'du bar byed pa po dang / 'bral bar byed pa po de ni 'di'o zhes bcas par 'gyur ba zhig na/ rab kyi rtsal gyis rnam par gnon pa gang gi phyir chos thams cad kyi 'du ba dang / 'bral ba nye bar gnas pa gang yang med pa de'i phyir chos rnams kyi
92b3 byed pa po dang / byed du 'jug pa dang / slong ba po dang / kun nas slong ba po dang / tshor ba po dang / tshor bar byed pa dang / shes pa po dang / shes par byed pa dang / 'du bar byed pa po dang / 'bral bar byed pa po gang yang mi dmigs te/ mi dmigs pas de bzhin gshegs pas
92b4 kyang ma bcas so/ /rab kyi rtsal gyis rnam par gnon pa chos thams cad ni phyin ci log las byung ste/ phyin ci log de la yang 'du ba dang 'bral ba gang yang med do/ /de ci'i phyir zhe na/ rab kyi rtsal gyis rnam par gnon pa phyin ci log gi dngos po dmigs su med de/ de'i 'byung
92b5 ba yang mi dmigs pa'i phyir ro/ /de ci'i phyir zhe na/ rab kyi rtsal gyis rnam par gnon pa phyin ci log ni med pa yang dag pa ma yin pa pa gsog slu ba'i chos can te/ de la chos gang yang mi dmigs pas de ni phyin ci log ces bya'o/ /rab kyi rtsal gyis rnam par
92b6 gnon pa phyin ci log ces bya ba 'di ni sems can rnams slu ba'o/ /'di ni sems can rnams la 'drid pa'o/ /'di ni sems can rnams kyi yang dag pa ma yin pa kun rtog pa'o/ /'di ni sems can rnams kyi rlom sems dang / g.yo ba dang spros pa'o/ /rab kyi rtsal gyis
92b7 rnam par gnon pa 'di lta ste/ dper na byis pa ni chad pa stong pas brid na de yang dag pa snyam du 'dzin to/ /rab kyi rtsal gyis rnam par gnon pa de bzhin du byis pa so so'i skye bo rnams kyang gsog dang / phyin ci log gis brid pas rmongs nas 'di yang dag pa yin pa snyam du sems
iiif viewer powered by OpenSeadragon
Texts on this page
D14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa