rKTs

e-texts navigator

Volume

Page

90a₁ phyin pa 'chad pa na byang chub sems dpas 'dun pa dang lhag pa'i bsam pa dang / gus pa dang / rim gro bya ba dang / ston par 'du shes skyed par 'gyur/ pha rol tu phyin pa drug dang ldan pa'i gtam brjod pa na/ dogs pa dang / the tshom dang / yid gnyis skyed
90a₂ par mi 'gyur/ chos zab mo thos na mgo rmongs pa'am/ dogs pa'am/ the tshom skyed par mi 'gyur/ de nam du yang chos kyis phongs par 'gyur ba'i las sogs par mi 'gyur/ de nam du yang chos kyis phongs par 'gyur ba'i sems skyed par mi 'gyur te/ sems can
90a₃ gzhan mang po yang shes rab kyi pha rol tu phyin pa yang dag par 'dzin du bcug par 'gyur/ pha rol tu phyin pa thams cad la yang dag par dga' ba dang / yang dag par gzengs bstod pa byas par 'gyur ro/ /de sngon gyi bsam pa rnam par dag pa dang / sngon gyi bsam pa kun nas
90a₄ nyon mongs pa med pas bdud sdig can rnams bar chad bya ba'i phyir nye bar gnas par mi 'gyur/ bdud sdig can rnams kyis de la glags rnyed par mi 'gyur/ bdud kyi las byung zhing skyes pa thams cad khong du chud par 'gyur/ bdud kyi las kyis 'phrogs par mi 'gyur/ bdud
90a₅ kyi las kyi dbang du 'gro bar mi 'gyur ro/ /rab kyi rtsal gyis rnam par gnon pa rnam grangs 'dis kyang byang chub sems dpa' la bdud sdig can rnams tho btsam pa'i phyir nye bar gnas par mi 'gyur ro/ /rab kyi rtsal gyis rnam par gnon pa gzhan yang shes rab kyi pha rol tu phyin
90a₆ pa la spyod pa'i byang chub sems dpa' ni gzugs dang 'du ba'i mtshan ma la mi spyod/ gzugs dang 'bral ba'i mtshan ma la mi spyod/ tshor ba dang / 'du shes dang / 'du byed rnams dang / rnam par shes pa 'du ba'i mtshan ma la mi spyod/ 'bral ba'i mtshan ma la mi spyod/
90a₇ gzugs kyi mtshan nyid dang / 'du ba'i mtshan ma la mi spyod/ gzugs kyi mtshan nyid dang 'bral ba'i mtshan ma la mi spyod/ tshor ba dang / 'du shes dang / 'du byed rnams dang / rnam par shes pa'i mtshan nyid dang / 'du ba'i mtshan ma la mi spyod/ 'bral ba'i mtshan

_{iiif viewer powered by OpenSeadragon}

89b - 90b

Texts on this page