| e-texts navigator |
| བོད་ཡིག |
89b1 pa gzhan yang byang chub sems dpa' bla na med pa yang dag par rdzogs pa'i byang chub tu sems ma bskyed par thog ma nyid du dge ba'i rtsa ba'i tshogs mang po yang dag par bsgrubs par 'gyur/ sangs rgyas mang po la bsnyen bkur byas par 'gyur/ sangs rgyas mang po la kun
89b2 'dri bar 'gyur/ sangs rgyas bcom ldan 'das rnams la bya ba byas par 'gyur/ lhag pa'i bsam pa phun sum tshogs par 'gyur/ sbyin pa 'gyed pa la dga' bar 'gyur/ tshul khrims rnam par dag pa lhur len par 'gyur/ bzod pa dang des pa phun sum tshogs
89b3 par 'gyur/ brtson 'grus dang ldan par 'gyur/ bsam gtan rnam par dag pa lhur len par 'gyur/ shes rab dang ldan par 'gyur/ shes rab rnam par dag pa lhur len par 'gyur te/ de bla na med pa yang dag par rdzogs pa'i byang chub tu sems bskyed nas shes
89b4 rab kyi pha rol tu phyin pa la brtson te/ shes rab kyi stobs dang / ye shes kyi stobs des ci nas kyang bdag la bdud sdig can gyis glags rnyed par ma gyur cig /bdag la gtse bar ma gyur cig ces bdud sdig can rnams la byin gyis rlob bo/ /des byin gyis brlabs
89b5 pas bdud kyis glags mi rnyed cing de la bar chad bya ba'i phyir nye bar gnas par mi 'gyur te/ byang chub sems dpa' de la bdag gis klan ka btsal ba'am/ tho btsam par bya'o snyam du yang sems mi bskyed do/ /gal te de dag gis bar chad bya ba'i phyir sems bskyed na
89b6 de'i phyir bdag la sdug bsngal chen po 'byung bar yang dag par shes na/ de dag la 'jigs pa chen po nye bar gnas par 'gyur bas bdag med par mi 'gyur grang snyam ste/ skyo bar gyur nas tho btsam pa'i sems glon par 'gyur zhing / de dag gi sems bskyed pa de dag
89b7 kyang nub par 'gyur ro/ /rab kyi rtsal gyis rnam par gnon pa rnam grangs 'di byang chub sems dpa' la bdud sdig can rnams kyis bar chad bya ba'i phyir nye bar gnas shing bar chad bya ba'i skabs mi rnyed do/ /rab kyi rtsal gyis rnam par gnon pa gzhan yang shes rab kyi pha rol tu
iiif viewer powered by OpenSeadragon
Texts on this page
D14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa