rKTs

e-texts navigator

Volume

Page

88a₁ stobs chen po shes rab kyi pha rol tu phyin pa'i stobs dang ldan par 'gyur ro/ /rab kyi rtsal gyis rnam par gnon pa gang su dag shes rab kyi pha rol tu phyin pa'i stobs dang ldan par 'gyur ba dang / shes rab kyi mtshon rnon po dang ldan par 'gyur ba de dag ni
88a₂ bdud sdig can rnams kyis mi tshugs mi thub bo/ /rab kyi rtsal gyis rnam par gnon pa gang la la shes rab kyi stobs dang / shes rab kyi mtshon rnon po dang ldan pa de dag gang la yang gnas par mi byed de/ de dag mi gnas par 'gyur ro/ /de ci'i phyir zhe na/ rab kyi rtsal gyis
88a₃ rnam par gnon pa gnas par gyur na ni g.yo bar 'gyur ro/ /g.yo bar gyur na ni 'gul bar 'gyur ro/ /'gul bar gyur na ni spros par 'gyur ro/ /rab kyi rtsal gyis rnam par gnon pa gang dag gnas par 'gyur ba dang / g.yo bar 'gyur ba dang / 'gul bar 'gyur
88a₄ ba dang / spros par 'gyur ba de dag ni bdud sdig can gyi dbang du 'gro ba yin te/ bdud kyi zhags pa la yongs su grol bar mi 'gyur ro/ /rab kyi rtsal gyis rnam par gnon pa gang srid pa'i rtse mor skyes pa'i sems can gnas shing gnas dang 'brel pa/ gnas la chags pa de
88a₅ dag kyang yang bdud kyi yul du 'ong bar 'gyur te/ 'di lta ste/ rangs byed kyi bu lhag spyod dang / sgyu rtsal shes kyi bu ring 'phur dang / gang gzhan gzugs med pa na gnas shing / gnas dang 'brel pa/ gnas la chags pa de dag kyang bdud kyi zhags pa las yongs
88a₆ su ma grol zhing bdud kyi zhags pas mtshams bcad pa'o/ /rab kyi rtsal gyis rnam par gnon pa byang chub sems dpa' shes rab kyi pha rol tu phyin pa la spyod/ shes rab kyi pha rol tu phyin pa la sgom/ shes rab kyi pha rol tu phyin pa la sbyor bar byed pa na gang la gnas par mi
88a₇ byed de/ thams cad du'ang mi gnas par 'gyur ro/ /rab kyi rtsal gyis rnam par gnon pa gang gi tshe byang chub sems dpa' shes rab kyi pha rol tu phyin pa sgom pa dang ldan par gnas pa de'i tshe gzugs la gnas par mi 'gyur/ tshor ba dang / 'du shes dang / 'du byed

_{iiif viewer powered by OpenSeadragon}

87b - 88b

Texts on this page