rKTs

e-texts navigator

Volume

Page

85b₁ 'di ni byang chub sems dpa' shes rab kyi pha rol tu phyin pa la spyod pas rtog pa dang mi rtog pa thams cad yongs su shes pa'o/ /rab kyi rtsal gyis rnam par gnon pa de ltar spyod pa ni byang chub sems dpa'i shes rab kyi pha rol tu phyin pa bsgom pa yongs su rdzogs par 'gyur te/ de la
85b₂ bdud sdig can dang / bdud kyi 'khor rnams bar chad bya ba'i phyir gnas par mi 'gyur ro/ /bdud kyi las byung zhing skyes pa rnams kyang khong du chud par 'gyur te/ bdud kyi las byung zhing skyes pa rnams kyi dbang du 'gro bar mi 'gyur ro/ /bdud sdig can pham par byed do/ /spa gong ba
85b₃ dang de'i phyogs nyung bar byed do/ /'jigs pa dang skrag pa med par 'gyur ro/ /bdud kyis mi thul bar 'gyur ro/ /de'i ngan song du 'gro ba thams cad rgyun chad par 'gyur ro/ /des lam ngan pa bkag par 'gyur ro/ /chu bo thams cad las rgal bar 'gyur ro/ /gti mug gi mun
85b₄ pa dang bral bar 'gyur ro/ /mig thob pas sems can thams cad la snang bar 'gyur ro/ /sangs rgyas kyi rigs rgyun mi gcod par gnas par 'gyur ro/ /lam mnyam pa nyid kyi phyir lam rgyun bcad par 'gyur ro/ /sems can thams cad la snying brtse bar 'gyur ro/ /chos la mig
85b₅ rnam par dag par 'gyur ro/ /le lo med cing brtson 'grus phun sum tshogs par 'gyur ro/ /gnod sems kyi sems med pas bzod pa 'thob par 'gyur ro/ /mi gnas pa'i bsam gtan pas bsam gtan par 'gyur ro/ /nges par rtogs pa'i shes rab dang ldan pas shes rab
85b₆ 'thob par 'gyur ro/ /sgrib pa med cing 'gyod pa dang bral bar 'gyur ro/ /bdud kyi zhags pa thams cad dang bral bar 'gyur ro/ /sred pa'i dra ba thams cad dang bral bas bcings pa bcad par 'gyur ro/ /brjed pa med pas dran pa nye bar gnas par 'gyur ro/ /tshul khrims
85b₇ yongs su dag pa'i pha rol tu phyin pa thob pas tshul khrims rnam par dag par 'gyur ro/ /skyon thams cad bsal bas yon tan la gnas par 'gyur ro/ /rab tu g.yo ba med pas shes rab kyi stobs bskyed pa rnyed par 'gyur ro/ /phas kyi rgol ba thams cad kyis mi rdzi bar 'gyur

_{iiif viewer powered by OpenSeadragon}

85a - 86a

Texts on this page