| e-texts navigator |
| བོད་ཡིག |
85a1 dang bral bar 'gyur ba'i phyir ro/ /rab kyi rtsal gyis rnam par gnon pa gang na rtog pa med pa de ni mi rtog pa med do/ /rab kyi rtsal gyis rnam par gnon pa byis pa so so'i skye bo thams cad ni rtog pa las byung ste/ de dag gi 'du shes ni log par rtog pa las byung bas
85a2 de dag rtog par yang mi byed/ mi rtog par yang mi byed do/ /rab kyi rtsal gyis rnam par gnon pa rtog ces bya ba de ni mtha' gcig go/ /mi rtog ces bya ba de ni mtha' gnyis te/ gang na rtog pa dang mi rtog pa med pa de ni mtha' dang dbus med do/ /rab kyi rtsal gyis rnam par gnon pa
85a3 dbus zhes bya bar rtog na de nyid kyang mtha' yin no/ /ji srid du rtog pa de srid du mi rtog pa ste/ de la ni rtog pa chad par mi 'gyur ro/ /rab kyi rtsal gyis rnam par gnon pa gang na rtog pa med cing mi rtog pa yang med pa de na rtog pa yang dag par chad do/ /rab kyi rtsal gyis rnam par gnon
85a4 pa rtog pa chad ces bya ba de la chad pa gang yang med do/ /de ci'i phyir zhe na/ rab kyi rtsal gyis rnam par gnon pa rtog pa dang mi rtog pa ni/ phyin ci log las byung bas med pa'i phyir ro/ /de dag gi rnam par zhi ba gang yin pa de ni phyin ci log ma yin pa ste/ de la chad pa gang yang
85a5 med do/ /rab kyi rtsal gyis rnam par gnon pa chad pa med pa zhes bya ba de ni sdug bsngal yang dag par chad pa'i tshig te/ sdug bsngal yang dag par chad pa gang yang med do/ /gal te sdug bsngal yang dag par chad par 'gyur na ni sdug bsngal yongs su grub pa
85a6 'ga' zhig kyang yod par 'gyur te/ sdug bsngal yang dag par chad ces bya ba de ni yongs su grub pa med par mthong ba'o/ /gang 'di sdug bsngal yang dag par chad ces bya ba de ni sdug bsngal yongs su shes pa'o/ /gang sdug bsngal la rtog par yang mi byed mi rtog par
85a7 yang mi byed pa de ni sdug bsngal rnam par zhi ba'o/ /de ni sdug bsngal mi skye mi 'byung ba ste/ rab kyi rtsal gyis rnam par gnon pa de ltar mthong ba'i byang chub sems dpa' ni chos gang la yang rtog par yang mi byed/ mi rtog par yang mi byed/ rab kyi rtsal gyis rnam par gnon pa
iiif viewer powered by OpenSeadragon
Texts on this page
D14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa