| e-texts navigator |
| བོད་ཡིག |
78b1 dag par rig pa bzhi thob par 'gyur ba'i phyir te/ bzhi gang zhe na 'di lta ste don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa'o/ /'di bzhi dang ldan pa de dag
78b2 mngon par rdzogs par sangs ma rgyas kyang smon lam gyi dbang gis mi 'jigs pa bzhi rab tu 'dzin to/ /de bzhin gshegs pas kyang de dag dge ba'i rtsa ba dang ldan par mkhyen shes rab kyi pha rol tu phyin pa'i sa yang rjes su thob par mkhyen nas mi 'jigs pa bzhi byin gyis brlab bo/ /
78b3 rab kyi rtsal gyis rnam par gnon pa de'i phyir byang chub sems dpa'i so so yang dag par rig pa bzhi thob par 'dod cing myur du mi 'jigs pa bzhi la mkhas par 'gyur bar 'dod na shes rab kyi pha rol tu phyin pa la bslab par bya'o/ /spyad par bya'o/ /rab kyi rtsal gyis rnam par gnon pa
78b4 gzhan yang shes rab kyi pha rol tu phyin pa la spyod pa'i byang chub sems dpas chos thams cad kyi rgyu dang / kun 'byung ba dang / nub pa dang / 'gog pa yang rab tu shes te/ de shes rab kyi pha rol tu phyin pa la chos gang yang mi sbyor ro/ /chos thams cad kyi rgyu dang / kun 'byung ba dang /
78b5 'gog pa dang / lam dang / mtshan nyid rab tu shes pas gzugs la sgom par yang mi byed/ mi sgom par yang mi byed/ de bzhin du tshor ba dang / 'du shes dang / 'du byed rnams dang / rnam par shes pa la sgom par yang mi byed/ mi sgom par yang mi byed/ ming dang gzugs la
78b6 sgom par yang mi byed/ mi sgom par yang mi byed/ kun nas nyon mongs pa dang / rnam par byang ba la sgom par yang mi byed/ mi sgom par yang mi byed/ phyin ci log dang / sgrib pa dang / lta bar gyur pa la sgom par yang mi byed/ mi sgom par yang mi byed/ 'dod chags dang / zhe
78b7 sdang dang / gti mug la sgom par yang mi byed/ mi sgom par yang mi byed/ 'dod pa'i khams dang / gzugs kyi khams dang / gzugs med pa'i khams la sgom par yang mi byed/ mi sgom par yang mi byed/ sems can gyi khams dang / bdag gi khams la sgom par
iiif viewer powered by OpenSeadragon
Texts on this page
D14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa