| e-texts navigator |
| བོད་ཡིག |
68a1 gyis rnam par gnon pa rtog pa zhes bya ba de ni mtha' gcig go/ /mi rtog pa zhes bya ba de ni mtha' gnyis te/ rab kyi rtsal gyis rnam par gnon pa byang chub sems dpa' ni mtha' dang mtha' med pa la mi spyod do/ /gang mtha' dang mtha' med pa la mi spyod pa des ni
68a2 dbus yang dag par rjes su mi mthong ngo / /rab kyi rtsal gyis rnam par gnon pa dbus yang dag par rjes su mthong zhing dbus la spyod na ni mtha' nyid la spyod do/ /rab kyi rtsal gyis rnam par gnon pa dbus la ni spyod pa bstan pa'am/ nges par bstan pa gang yang med do/ /rab kyi rtsal gyis
68a3 rnam par gnon pa dbus zhes bya ba de ni 'phags pa'i lam yan lag brgyad pa'i tshig so/ /rab kyi rtsal gyis rnam par gnon pa 'phags pa'i lam yan lag brgyad pa ni chos gang dmigs pa dang / chos gang mthong ba'i phyir nye bar gnas pa ma yin no/ /rab kyi rtsal gyis
68a4 rnam par gnon pa nam chos gang la yang sgom par yang mi byed/ mi sgom par yang mi byed pa de'i tshe lam gyi rgyun gcad ces bya'o/ /de chos thams cad la sgom par yang mi byed/ mi sgom par yang mi byed pas sgom pa las yang dag par 'das nas chos mnyam pa nyid rnyed de/ chos
68a5 mnyam pa nyid des lam gyi 'du shes kyang mi 'byung na/ lam mthong bar lta ga la 'gyur/ rab kyi rtsal gyis rnam par gnon pa lam gyi rgyun gcad ces bya ba de ni dge slong zag pa zad pa/ dgra bcom pa'i tshig so/ /de ci'i phyir zhe na/ des bsgoms pa yang med cing bsgoms
68a6 pa med pa yang ma yin par lam bsgoms pa med pas de'i phyir bsgoms pa med ces bya'o/ /bsgom pa med pa yang de la med pas de'i phyir bsgom pa med ces bya'o/ /de bsgom pa dang bral bas de'i phyir bsgom pa med ces bya'o/ /rab kyi rtsal gyis rnam par gnon pa gal te bsgom pa'am/
68a7 sgom par byed pa zhig yod na ni de dmigs par 'gyur te/ de bsgom pa med par mi 'gyur ro/ /rab kyi rtsal gyis rnam par gnon pa bsgom pa med pa zhes bya ba ni de bsgom pa dang bral bas bsgom pa med pa ste/ 'di dngos po dang bral bas de'i phyir bsgom pa med pa zhes bya ste/ ji skad
iiif viewer powered by OpenSeadragon
Texts on this page
D14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa