| e-texts navigator |
| བོད་ཡིག |
66a1 yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pa bstan pa dang / nges par bstan par nye bar gnas pa ma yin no/ /bden pa dang / lam dang / 'bras bu bstan pa
66a2 dang / nges par bstan par nye bar gnas pa ma yin/ nyan thos dang / rang sangs rgyas dang / byang chub sems dpa'i bstan pa dang / nges par bstan par nye bar gnas pa ma yin/ nyan thos dang / rang sangs rgyas kyi chos dang / byang chub sems dpa'i chos bstan pa
66a3 dang / nges par bstan par nye bar gnas pa ma yin/ chos gang shes pa dang / mi shes pa dang / bstan pa dang / bstan du med par nye bar gnas pa ma yin/ mi skye ba shes pa dang / zad pa shes pa dang / 'gog pa shes pa bstan pa 'am/ bstan pa ma yin par nye bar
66a4 gnas pa ma yin/ mya ngan las 'das pa bstan pa'am/ bstan pa ma yin par nye bar gnas pa ma yin no/ /tshe dang ldan pa sha ra dwa ti'i bu 'di lta ste/ chos gang bstan pa'am/ bstan pa ma yin par yang nye bar gnas pa ma yin pa de'i tha snyad ji ltar bstan par bya/
66a5 tshe dang ldan pa sha ra dwa ti'i bu su shes rab kyi pha rol tu phyin pa ni chos gang bstan pa 'am/ bstan pa ma yin par yang nye bar gnas pa ma yin par bstan pa 'di lta bu khong du chud pa des shes rab kyi pha rol tu phyin pa yang shes shing shes rab kyi pha rol tu phyin pa bstan pa yang shes
66a6 so/ /tshe dang ldan pa sha ra dwa ti'i bu shes rab kyi pha rol tu phyin pa ni chos gang la yang sbyor ba'am/ mi sbyor ba'i phyir nye bar gnas pa ma yin no/ /de ci'i phyir zhe na/ tshe dang ldan pa sha ra dwa ti'i bu shes rab kyi pha rol tu phyin pa ni gzugs la kun du sbyor bar yang mi byed/ kun
66a7 du mi sbyor bar yang mi byed do/ /de bzhin du tshor ba dang / 'du shes dang / 'du byed rnams dang / rnam par shes pa la kun du sbyor bar yang mi byed/ kun du mi sbyor bar yang mi byed do/ /rten cing 'brel par 'byung ba la kun du sbyor bar yang mi byed/ kun du mi sbyor bar yang
iiif viewer powered by OpenSeadragon
Texts on this page
D14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa