e-texts navigator
Collection
Volume
Page
བོད་ཡིག

65a1 mtshan nyid dang / rgyu'i mtshan nyid dang / rkyen gyi mtshan nyid dang / sdug bsngal gyi mtshan nyid dang / bde ba'i mtshan nyid dang / rnam par gzhag pa'i mtshan nyid dang / rnam par mi gzhag pa'i mtshan nyid dang / skye ba'i mtshan nyid dang / 'jig pa'i mtshan nyid
65a2 dang / kun nas nyon mongs pa'i mtshan nyid dang / rnam par byang ba'i mtshan nyid dang / rang bzhin gyi mtshan nyid dang / kun rdzob kyi mtshan nyid dang / don dam pa'i mtshan nyid dang / bden pa'i mtshan nyid dang / pa'i mtshan nyid dang / 'pho ba'i mtshan nyid dang / 'jug pa'i mtshan
65a3 nyid du nye bar gnas pa ma yin no/ /de ci'i phyir zhe na/ tshe dang ldan pa shA ri'i bu shes rab kyi pha rol tu phyin pa ni mtshan nyid thams cad dang bral ba ste/ 'di ni shes rab kyi pha rol tu phyin pa zhe'am/ 'di na shes rab kyi pha rol tu phyin pa zhe'am/ 'dis shes rab kyi pha rol tu phyin pa
65a4 zhe'am/ 'di'i shes rab kyi pha rol tu phyin pa zhes de su'i mthong bar yang nye bar mi 'gro'o/ /tshe dang ldan pa sha ra dwa ti'i bu chos gang gis shes rab kyi pha rol tu phyin pa bstan pa'i chos de kho bos yang dag par rjes su mi mthong ngo / /tshe dang ldan pa sha ra dwa ti'i bu shes rab kyi pha rol tu
65a5 phyin pa ni chos gang nges par bstan par yang nye bar 'gro ba'am/ nye bar 'gro bar 'gyur ba ma yin no/ /tshe dang ldan pa sha ra dwa ti'i bu shes rab kyi pha rol tu phyin pa ni gzugs nges par bstan par nye bar 'gro ba ma yin no/ /tshor ba dang / 'du shes dang / 'du byed rnams dang / rnam
65a6 par shes pa nges par bstan par nye bar 'gro ba ma yin/ mig dang / rna ba dang / sna dang / lce dang / lus dang / yid nges par bstan par nye bar 'gro ba ma yin/ khams rnams nges par bstan par nye bar 'gro ba ma yin/ rten cing 'brel par 'byung ba nges par bstan par nye bar 'gro ba
65a7 ma yin/ rig pa dang / rnam par grol ba nges par bstan par nye bar 'gro ba ma yin no/ /tshe dang ldan pa sha ra dwa ti'i bu gang 'jig rten las 'das pa'i shes rab nges par 'byed par 'gro ba yang / shes rab kyi pha rol tu phyin pa nges par bstan par nye bar mi 'gro'o/ /shA ri'i bu 'di lta



iiif viewer powered by OpenSeadragon

64b - 65b

Texts on this page

D14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa