rKTs

e-texts navigator

Volume

Page

63a₁ gnas med de/ shA ri'i bu chos kyi rnam grangs 'di ni sems can gang dag dge ba'i rtsa ba 'bar ba rnams kyi lag tu 'gro bar 'gyur ro/ /shA ri'i bu khyod mos par bya'o/ /khyod kyis khong du chud par bya'o/ /byang chub sems dpa'i theg pa can rnam/ nyan thos kyi theg pa
63a₂ can gyi rigs kyi bu'am/ rigs kyi bu mo des chos 'di rnyed na/ spro ba chung ba dang / le lo dang gnyid che ba dang / shes bzhin med pa dang / dran pa nye bar mi 'jog pa dang / sems g.yeng ba dang / zang zing la chags pa dang / brkam pa dang / mu cor smra ba dang / smyon
63a₃ thabs dang / kha phyar dang / dbang po phyal bar mi bya'o/ /shA ri'i bu dge ba'i rtsa ba byas pa dag kyang mi slu'o/ /byang chub sems dpa' chos 'di rnyed nas bag yod pa dang / brtson 'grus dang / spro ba dang / mos pa dang / le lo med pa dang / dbang po bsdams pa dang / mu cor
63a₄ mi smra ba rab tu bsten par bya'o/ /dran pa nye bar gzhag pa dang / mang du thos pa la sbyor bar bya'o/ /brtson 'grus brtsams la 'di lta bu'i yon tan 'di dag yongs su bskang ba'i phyir 'bad par bya'o/ /shA ri'i bu 'di lta bu'i chos thos pa'i 'bras bu ni 'di ma yin te/ gang
63a₅ byang chub sems dpa' dang / nyan thos 'di lta bu'i chos thos na bag med par mi 'gyur ba dang / yid rton par mi 'gyur ba dang / 'dun pa yongs su nyams pa dang / brtson 'grus bri ba dang / ma dris pa ston pa dang / gnod sems mang du 'gyur ba de ni thos pa'i 'bras bu ma
63a₆ yin no/ /de dag gis 'di lta bu'i chos 'di thos pa ma yin no/ /shA ri'i bu thos zhes bya ba de ni yang dag pa'i nan tan gyi tshig te/ log pa'i nan tan gyi ni ma yin no/ /shA ri'i bu log par zhugs pas ni chos 'di thos par mi 'gyur ro/ /shA ri'i bu thos nas khyod
63a₇ don la mkhas shing nan tan gyis gnas par bya'o/ /shA ri'i bu log par zhugs pa rnams la ni rjes su 'thun pa'i bzod pa yang med do/ /shA ri'i bu gang ji skad bstan pa'i chos 'di la log par mi sgrub pa de ni chos 'di la nan tan byed pa zhes bya'o/ /shA ri'i bu bzod pa phun sum

_{iiif viewer powered by OpenSeadragon}

62b - 63b

Texts on this page