rKTs

e-texts navigator

Volume

Page

61b₁ par 'grub pa'i phyir nye bar gnas pa ma yin no/ /gang la mtshan nyid med pa de ni mtshan nyid med pa zhes bya'o/ /gang mtshan nyid med pa de la chags pa med do/ /gal te chos kyi dbyings mtshan nyid cig yod na ni chos thams cad la chags par yang 'gyur na/ gang gi phyir chos
61b₂ thams cad la mtshan nyid med pa de'i phyir de dag la chags pa med de/ des na chos thams cad chags pa med pa'i mtshan nyid ces bya ste/ ji skad du brjod pa de bzhin du ni ma yin no/ /gang chags pa med pa'i mtshan nyid de ni brjod par mi nus so/ /de ci'i phyir zhe na/ med pa'i
61b₃ phyir chags pa med pa'i mtshan nyid do/ /dben pa'i phyir chags pa med pa'i mtshan nyid do/ /mi dmigs pa'i phyir chags pa med pa'i mtshan nyid do/ /shA ri'i bu chos gang chags pa med pa'i mtshan nyid kyi chos gang yin pa de ni mthong ba cir yang nye bar gnas pa ma yin zhing mi mthong
61b₄ bar yang ma yin mod kyi/ 'on kyang de sems can rnams la chags pa med pa'i mtshan nyid ces bstan pa byas so/ /shA ri'i bu kun nas nyon mongs pa'i mtshan nyid gang yin pa de ni mtshan nyid med pa ste/ kun nas nyon mongs pa ni mtshan nyid kyis nye bar gnas pa ma yin gyi/ shA ri'i
61b₅ bu kun nas nyon mongs pa ni phyin ci log gis nye bar gnas pa'o/ /phyin ci log gang yin pa de ni mtshan nyid med pa'o/ /gang mtshan nyid med pa de tha snyad kyis kyang mtshan nyid med de/ de mtshan nyid med pa kho na'o/ /shA ri'i bu rnam par byang ba de yang mtshan nyid med pa'o/ /de
61b₆ ci'i phyir zhe na/ shA ri'i bu kun nas nyon mongs pa nyid kyang mtshan nyid med na rnam par byang ba lta ci smos/ shA ri'i bu gang kun nas nyon mongs pa yongs su shes pa de ni yang dag pa ji lta ba bzhin te/ de la kun nas nyon mongs pa ci yang med mod kyi/ sems can rnams ni phyin ci
61b₇ log pas kun nas nyon mongs so/ /gang phyin ci log pa de yang dag pa ma yin no/ /gang yang dag pa ma yin pa de la yang dag pa yongs su grub pa 'am mtshan nyid med do/ /shA ra dwa ti'i bu gang de ltar shes pa de ni rnam par byang ba zhes bya'o/ /kun nas nyon mongs pa

_{iiif viewer powered by OpenSeadragon}

61a - 62a

Texts on this page