rKTs

e-texts navigator

Volume

Page

59b₁ med do/ /shA ri'i bu byang chub sems dpa' 'di dag ni chos 'di la yid gnyis med de/ shA ri'i bu skyes bu dam pa 'di dag ni sems can thams cad kyi yid gnyis yang dag par gzhom pa'i phyir gnas pa'o/ /shA ri'i bu 'di dag ni 'di lta bu'i chos la som nyi med de/
59b₂ som nyi las yang dag par 'das pa'o/ /shA ri'i bu gang yang phyi ma'i tshe phyi ma'i dus na chos bstan pa 'di nyan pa de dag kyang chos thams cad la the tsom med par gnas te/ sems can thams cad kyi the tsom gcad pa'i phyir zhugs par 'gyur ro/ /shA ri'i bu sems
59b₃ can dge ba'i rtsa ba chung ngu rnams ni chos 'di la mos par ngas ma bshad do/ /chos 'di la de dag gi go skabs med de/ 'di ni de dag gi nor ma yin no/ /shA ri'i bu chos bstan pa 'di gang dag gi rna lam du thos pa'i sems can de dag kyang dge ba'i rtsa ba chung ngu dang ldan pa ma
59b₄ yin na/ gang dag 'dzin pa dang / 'chang ba dang / klog pa dang / kun chub par byed pa lta ci smos te/ de dag sangs rgyas bcom ldan 'das rnams kyis sangs rgyas kyi chos la nges par lung bstan te/ ji ltar da ltar nga seng ge'i sgra sgrogs pa dang / 'jigs pa
59b₅ med pa'i sgra dang / skyes bu chen po'i sgra dang / rang byung gi sgra sgrogs pa bzhin du de dag kyang seng ge'i sgra sgrog par 'gyur ro/ /gang dag tha na chos 'di la dad pa bskyed nas/ bla na med pa yang dag par rdzogs pa'i byang chub la 'dun pa skyed par 'gyur ba de dag gi lung bstan
59b₆ pa yang de nyid yin no/ /de ci'i phyir zhe na/ shA ri'i bu sems can gang dag chos zab mo thos nas/ dga' ba dang / mchog tu dga' ba dang / mos pa skyed pa de dag ni shin tu rnyed par dka'o/ /shA ri'i bu de bas kyang sems can gang chos zab mo thos nas kyang bla na
59b₇ med pa yang dag par rdzogs pa'i byang chub tu sems skyed cing mos pa skyed de/ dge ba chen po dang ldan pa ni shin tu rnyed par dka' ste/ shA ri'i bu shes rab kyi pha rol tu phyin pa bstan pa 'di gang dag gi rna lam du thos par 'gyur ba dang / thos nas klog pa dang / mos

_{iiif viewer powered by OpenSeadragon}

59a - 60a

Texts on this page