| e-texts navigator |
| བོད་ཡིག |
55b1 rol tu phyin pa ni chos gang shes pa'am/ chos gang shes par byed par 'gyur ba'i chos gang yang mi dmigs so/ /gsol pa/ bcom ldan 'das shes rab kyi pha rol tu phyin pa 'di ni chos gang gi rang bzhin nam/ rang bzhin ma lags par yang nye bar gnas pa ma
55b2 lags so/ /bka' stsal pa/ shA ri'i bu 'di ltar shes rab kyi pha rol tu phyin pa ni chos gang gi rang bzhin nam/ rang bzhin ma yin par yang yang dag par rjes su mi mthong ngo / /gsol pa/ bcom ldan 'das shes rab kyi pha rol tu phyin pa 'di ni chos gang gi dag
55b3 pa'am/ rnam par dag par yang nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol tu phyin pa ni chos gang sbyong ba'am/ rnam par sbyong ba'i chos gang yang yang dag par rjes su mi mthong ngo / /gsol pa/ bcom ldan 'das shes
55b4 rab kyi pha rol tu phyin pa 'di ni rang bzhin gyis yongs su dag pa lags so/ /bka' stsal pa/ sha ra dwa ti'i bu gzugs yongs su dag pas shes rab kyi pha rol tu phyin pa yongs su dag go/ /shA ri'i bu tshor ba dang / 'du shes dang / 'du byed rnams dang / rnam par shes
55b5 pa yongs su dag pas shes rab kyi pha rol tu phyin pa yongs su dag go/ /ma rig pa yongs su dag pas shes rab kyi pha rol tu phyin pa yongs su dag go/ /'du byed yongs su dag pa dang / rnam par shes pa yongs su dag pa dang / ming dang gzugs yongs su
55b6 dag pa dang / skye mched drug yongs su dag pas shes rab kyi pha rol tu phyin pa yongs su dag go/ /reg pa dang / tshor ba dang / sred pa dang / len pa dang / srid pa dang / skye ba dang / rga ba dang / na ba dang / 'chi ba yongs su dag pas shes rab kyi pha rol tu phyin pa
55b7 yongs su dag go/ /mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa yongs su dag pas shes rab kyi pha rol tu phyin pa yongs su dag go/ /phyin ci log dang / sgrib pa dang / lta bar gyur pa yongs su dag pas
iiif viewer powered by OpenSeadragon
Texts on this page
D14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa