rKTs

e-texts navigator

Volume

Page

51b₁ ma yin no/ /gsol pa/ bcom ldan 'das shes rab kyi pha rol tu phyin pa 'di ni rang bzhin ma mchis pa lags so/ /bka' stsal pa/ shA ri'i bu gzugs dang / tshor ba dang / 'du shes dang / 'du byed rnams dang / rnam par shes pa rang bzhin med pas shes
51b₂ rab kyi pha rol tu phyin pa 'di rang bzhin med do/ /khams dang / skye mched dang / rten cing 'brel par 'byung ba rang bzhin med pas shes rab kyi pha rol tu phyin pa rang bzhin med do/ /phyin ci log dang / sgrib pa dang / lta bar gyur pa dang / sred pa rnam par spyod pa rang bzhin med pas
51b₃ shes rab kyi pha rol tu phyin pa rang bzhin med do/ /bdag dang / sems can dang / srog dang / gso ba dang / skyes bu dang / gang zag dang / shed las skyes dang / shed bu dang / byed pa po dang / byed du 'jug pa dang / slong ba po dang / kun nas slong ba po dang / tshor
51b₄ ba po dang / tshor bar byed pa po rang bzhin med pas shes rab kyi pha rol tu phyin pa rang bzhin med do/ /sa dang / chu dang / me dang / rlung dang / nam mkha' dang / rnam par shes pa dang / chos kyi khams kyi rang bzhin med pas shes rab kyi pha rol tu phyin pa rang bzhin med do/ /
51b₅ 'dod pa dang / gzugs dang / gzugs med pa'i khams rang bzhin med pas shes rab kyi pha rol tu phyin pa rang bzhin med do/ /tshul khrims dang / 'chal pa'i tshul khrims dang / bzod pa dang / gnod sems dang / brtson 'grus dang / le lo dang / bsam gtan
51b₆ dang / rnam par g.yeng ba dang / shes rab dang / 'chal pa'i shes rab rang bzhin med pas shes rab kyi pha rol tu phyin pa rang bzhin med do/ /byang chub kyi phyogs kyi chos rnams rang bzhin med pas shes rab kyi pha rol tu phyin pa rang bzhin med do/ /'phags pa'i
51b₇ bden pa dang / zhi gnas dang / lhag mthong dang / mngon par shes pa dang / bsam gtan dang / rnam par thar pa dang / ting nge 'dzin dang / snyoms par 'jug pa rang bzhin med pas shes rab kyi pha rol tu phyin pa rang bzhin med do/ /rig pa dang / rnam par grol ba rang

_{iiif viewer powered by OpenSeadragon}

51a - 52a

Texts on this page