e-texts navigator
Collection
Volume
Page
བོད་ཡིག

48a1 rab kyi rtsal gyis rnam par gnon pa 'di lta ste/ dper na sgyu ma ni chos gang mngon par 'grub pa'i phyir yang nye bar gnas pa ma yin no/ /de bzhin du shes rab kyi pha rol tu phyin pa yang chos gang mngon par 'grub pa'i phyir yang nye bar gnas pa ma
48a2 yin no/ /rab kyi rtsal gyis rnam par gnon pa 'di lta ste/ dper na mig yor mthong ba'i skyes bu mig yor gyi rang bzhin ston kyang mig yor gyi rang bzhin gang yang med na/ mig yor gyi rang bzhin bstan pa lta ga la yod/ rab kyi rtsal gyis rnam par gnon pa de bzhin
48a3 du shes rab kyi pha rol tu phyin pa ston kyang shes rab kyi pha rol tu phyin pa'i rang bzhin gang yang med na shes rab kyi pha rol tu phyin pa'i rang bzhin bstan pa lta ga la yod/ rab kyi rtsal gyis rnam par gnon pa 'di lta ste/ dper na mig yor ni chos gang bstan par yang nye bar gnas pa
48a4 ma yin no/ /de bzhin du shes rab kyi pha rol tu phyin pa yang chos gang bstan par yang nye bar gnas pa ma yin no/ /rab kyi rtsal gyis rnam par gnon pa 'di lta ste/ dper na smig rgyu mthong ba'i skyes bu smig rgyu bshad pa ston kyang smig rgyu bstan pa gang yang med na smig rgyu bstan
48a5 pa'i rang bzhin lta ga la yod/ rab kyi rtsal gyis rnam par gnon pa de bzhin du shes rab kyi pha rol tu phyin pa ston kyang shes rab kyi pha rol tu phyin pa'i rang bzhin bstan pa gang yang med do/ /rab kyi rtsal gyis rnam par gnon pa 'di lta ste/ dper na smig rgyu ni chos gang bstan
48a6 par yang nye bar gnas pa ma yin no/ /de bzhin du shes rab kyi pha rol tu phyin pa yang chos gang bstan par yang nye bar gnas pa ma yin no/ /rab kyi rtsal gyis rnam par gnon pa 'di lta ste/ dper na brag ca'i spyod yul la gnas pa'i skyes bus/ brag ca'i sgra thos kyi de ni mi
48a7 mthong ste/ nam bdag gis sgra phyung ba de'i tshe sgra thos so/ /de bzhin du shes rab kyi pha rol tu phyin pa bstan pa'i tshig thos par 'gyur yang chos gang bstan pa thos par 'gyur ba med de/ gzhan du na nam mngon par bshad pa de'i tshe kun shes shing thos pa'i lam du 'gyur ro/ /



iiif viewer powered by OpenSeadragon

47b - 48b

Texts on this page

D14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa