| e-texts navigator |
| བོད་ཡིག |
41a1 shes par byed du 'jug pa gang yang med do/ /de bzhin du tshor ba dang / 'du shes dang / 'du byed rnams dang / rnam par shes pa la yang shes pa'am/ shes par byed du 'jug pa gang yang med de/ gzugs dang / tshor ba dang / 'du shes dang /
41a2 'du byed rnams dang / rnam par shes pa la shes pa po yang med/ shes par byed du 'jug pa yang med pa gang yin pa de shes rab kyi pha rol tu phyin pa'o/ /rab kyi rtsal gyis rnam par gnon pa gzugs la tshor ba po 'am/ tshor bar byed du 'jug pa gang yang med do/ /
41a3 de bzhin du tshor ba dang / 'du shes dang / 'du byed rnams dang / rnam par shes pa la tshor ba po'am/ tshor bar byed du 'jug pa gang yang med de/ gzugs dang / tshor ba dang / 'du shes dang / 'du byed rnams dang / rnam par shes pa la tshor ba po yang med/ tshor
41a4 bar byed du 'jug pa yang med pa gang yin pa de shes rab kyi pha rol tu phyin pa'o/ /rab kyi rtsal gyis rnam par gnon pa gzugs la shes pa po'am/ mthong ba po gang yang med do/ /de bzhin du tshor ba dang / 'du shes dang / 'du byed rnams dang / rnam par shes pa la
41a5 yang shes pa po'am/ mthong ba po gang yang med do/ /gzugs dang / tshor ba dang / 'du shes dang / 'du byed rnams dang / rnam par shes pa la shes pa po yang med/ mthong ba po yang med pa gang yin pa de shes rab kyi pha rol tu phyin pa'o/ /rab kyi rtsal gyis
41a6 rnam par gnon pa gzugs la ni chad pa'am/ rtag pa med do/ /de bzhin du tshor ba dang / 'du shes dang / 'du byed rnams dang / rnam par shes pa la yang chad pa'am/ rtag pa med de/ gzugs dang / tshor ba dang / 'du shes dang / 'du byed rnams dang / rnam par
41a7 shes pa chad pa yang ma yin/ rtag pa yang ma yin pa gang yin pa de shes rab kyi pha rol tu phyin pa'o/ /rab kyi rtsal gyis rnam par gnon pa gzugs ni mtha' 'am/ mtha' med pa ma yin no/ /de bzhin du tshor ba dang / 'du shes dang / 'du byed rnams dang / rnam par shes pa
iiif viewer powered by OpenSeadragon
Texts on this page
D14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa