| e-texts navigator |
| བོད་ཡིག |
37a1 bzhin bstan pa'o/ /de ni gzugs kyi rang bzhin bstan pa'o/ /de ni gzugs kyi mi dmigs pa bstan pa'o/ /de bzhin du tshor ba dang / 'du shes dang / 'du byed rnams dang / rnam par shes pa'i pha rol gang yin pa de rnam par shes
37a2 pa'i ma yin no/ /zhes bya ba de ni rnam par shes pa'i 'bral ba bstan pa'o/ /rnam par shes pa'i pha rol ji lta bar rnam par shes pa yang de bzhin no zhes bya ba de ni rnam par shes pa'i ngo bo nyid bshad pa bstan pa'o/ /de ni rnam par shes pa'i ji lta ba bzhin dang rnam par
37a3 shes pa'i rang bzhin dang / rnam par shes pa mi dmigs pa bstan pa'o/ /rnam par shes pa'i pha rol ji lta bar chos thams cad kyang de bzhin no zhes bya ba dang / chos thams cad kyi pha rol gang yin pa de dag chos thams cad ma yin no zhes bya ba de ni chos thams
37a4 cad kyi 'bral ba bstan pa'o/ /chos thams cad kyi pha rol ji lta bar chos thams cad kyang de bzhin no zhes bya ba de ni chos thams cad kyi ngo bo nyid bshad pa bstan pa'o/ /de ni chos thams cad kyi ji lta ba bzhin dang / chos thams cad kyi mtshan nyid dang / chos thams
37a5 cad kyi rang bzhin dang / chos thams cad mi dmigs pa bstan pa'o/ /chos thams cad kyi ji lta ba bzhin dang / chos thams cad kyi rang bzhin dang / chos thams cad mi dmigs pa ji lta bar shes rab kyi pha rol tu phyin pa yang de bzhin te/ rab kyi rtsal gyis
37a6 rnam par gnon pa shes rab kyi pha rol tu phyin pa ni gzugs la mi gnas so/ /tshor ba dang / 'du shes dang / 'du byed rnams dang / rnam par shes pa la mi gnas so/ /shes rab kyi pha rol tu phyin pa ni gzugs kyi nang ngam/ phyi'am gnyi ga med pa las
37a7 ring du gnas pa'ang ma yin te/ tshor ba dang / 'du shes dang / 'du byed rnams dang / rnam par shes pa'i nang ngam/ phyi'am gnyi ga med pa las ring du gnas pa'ang ma yin no/ /rab kyi rtsal gyis rnam par gnon pa shes rab kyi pha rol tu phyin pa ni
iiif viewer powered by OpenSeadragon
Texts on this page
D14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa