| e-texts navigator |
| བོད་ཡིག |
36a1 bcom ldan 'das 'di ltar de bzhin gshegs pa'i 'khor yongs su dag pa 'dus pa 'di ngo mtshar lags so/ /bcom ldan 'das de bzhin gshegs pa'i 'khor rang byung gi 'khor/ mi tshugs pa'i 'khor/ rdo rje lta bu'i 'khor/ mi sgul ba/ mi
36a2 bskyod pa/ mi 'khrugs pa'i 'khor yongs su dag pa 'di ni rab tu ngo mtshar lags so/ /de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu khyod 'khor 'di'i yon tan yongs su rjod dam/
36a3 gsol pa bcom ldan 'das bdag gis 'khor 'di'i yon tan yongs su brjod pa'i rngo mi thogs lags so/ /de ci'i slad du zhe na/ bcom ldan 'das 'khor 'di ni ri rab dang 'dra ste/ yon tan mtha' yas pa dang ldan pa lags pa'i slad du'o/ /bka' stsal pa/ sha ra
36a4 dwa ti'i bu de de bzhin te/ 'khor 'di ni yon tan mtha' yas pa dang ldan pa ste/ 'khor 'di'i yon tan gyi mtha' yang dag par rdzogs pa'i sangs rgyas rnams kyis kyang rtogs par mi nus na sems can gzhan thams cad kyis lta ci smos/ sha ra dwa ti'i bu 'khor 'di
36a5 ni de bzhin gshegs pas bsdus pa ma yin zhing 'di la de bzhin gshegs pa rtsol ba ci yang mi mdzad de/ rang gi dge ba'i rtsa bas nga'i ming thos nas 'khor 'di 'dus te/ de bzhin gshegs pas 'khor 'di gang la yang ma glengs ma bsgo bar de dag rang gi dge ba'i rtsa
36a6 bas bskul nas 'khor 'dir lhags so/ /'di lta bu'i chos bstan pa la 'di lta bu'i sems can chen po 'du bar 'gyur ba ni de'i chos nyid do/ /sha ra dwa ti'i bu gang sangs rgyas bcom ldan 'das gzhan dag byang chub sems dpa'i sde snod the tsom thams cad gcod pa 'di
36a7 yang dag par ston pa de dag gi 'khor kyang 'di lta bu 'du bar 'gyur te/ 'di lta bu 'di 'dra ba'i 'khor gyi dkyil 'khor gdon mi za bar 'byung ba ni chos bstan pa 'di'i chos nyid do/ /kun dga' bo'i le'u zhes bya ste gnyis pa'o// //de nas bcom ldan 'das
iiif viewer powered by OpenSeadragon
Texts on this page
D14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa