rKTs

e-texts navigator

Volume

Page

35b₁ pa dang bral ba/ thos pa nyams pa/ mig dang mi ldan pa'i byis pa de dag ni chos rin po che'i mdzod rnyed kyang ci zhig bya zhes 'dor zhing gzhan la sbyin par sems so/ /kun dga' bo gdol pa dang / g.yung po dang / smig ma mkhan dang / dbul pos 'tsho
35b₂ ba'i sems can gang dag gzhan la las rin po che mang po rnyed na bdag mi spyod de rin thang chung ngur 'tshong zhing 'dor ro/ /kun dga' bo sems can dbul po zhes bya ba de ni mu stegs can thams cad dang / gang dag gzhan mu stegs can gyi nyan thos rnams kyi tshig bla
35b₃ dgas so/ /kun dga' bo sems can dbul po zhes bya ba de ni byis pa so so'i skye bo lta ba'i 'dam du bying ba dmigs pa can 'ching ba la mngon par zhen pa/ mtshan ma la spyod pa/ lam log par song ba rnams kyi tshig te/ de dag ni chos rin po che 'di rnyed
35b₄ na kun du spyod mi nus shing 'dor te/ don med par gzhan la yang sbyin par byed do/ /kun dga' bo gang sangs rgyas kyi sras sangs rgyas kyi spyod yul la spyod pa/ de bzhin gshegs pa'i rigs rgyun mi gcod par gnas pa de dag chos rin po che 'di la yongs su spyod
35b₅ do/ /rnyed nas kyang chud mi gzon cing 'di la rin po cher 'du shes par 'gyur ro/ /kun dga' bo was ni seng ge'i sgra sgrog mi nus so/ /kun dga' bo gang seng ge'i phrug gur gyur la/ seng ge chen pos bskyed pa de dag ni seng ge'i sgra sgrog go/ /kun dga' bo de
35b₆ bzhin du wa lta bu ni byis pa so so'i skye bo log par lta ba thams cad de de dag gis ni de bzhin gshegs pa'i seng ge'i sgra dang / yang dag par rdzogs pa'i sangs rgyas seng ge chen po'i chos yongs su longs spyod par mi nus so/ /kun dga' bo gang yang dag par rdzogs
35b₇ pa'i sangs rgyas kyi sras sangs rgyas kyi seng ge chen po dang rang byung gi ye shes kyis bskyed pa de dag ni yang dag par rdzogs pa'i sangs rgyas kyi seng ge'i sgra sgrog cing kun du spyod do/ /de nas bcom ldan 'das la tshe dang ldan pa shA ri'i bus 'di skad ces gsol to/

_{iiif viewer powered by OpenSeadragon}

35a - 36a

Texts on this page