rKTs

e-texts navigator

Volume

Page

35a₁ kyi bdag po rang byung gis kyang sras de dag bsdus nas chos rin po che'i mdzod 'di mnyam par bgos te/ sras de dag gang la yang mi slu bas de dag nga la dga' ba dang / mgu ba dang / gus pa cher skyed cing don 'thun pa sangs rgyas kyi rigs mi gcod
35a₂ par gnas so/ /kun dga' bo sems can gzhan dman pa la mos pa/ nga rgyal can lta ba la spyod pa/ mtshan ma la spyod pa/ dmigs pa la spyod pa/ nga'o snyam pa'i nga rgyal gyis bcom pa/ 'dod chags dang / zhe sdang dang / gti mug gi zil gyis non pa/
35a₃ log pa'i lam du dong ba rnams kyis chos rin po che 'di bzod par mi nus so/ /kun dga' bo dman pa la mos pa'i sems can rnams ni 'khor los sgyur ba'i nor mi 'dod kyi/ kun dga' bo gang dag 'khor los sgyur ba'i bur gyur pa de dag ni 'khor los sgyur ba'i nor
35a₄ 'dod do/ /kun dga' bo sems can dbul po rnams ni 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / blon po rin po che dang / gos mang po dang / gser dang / nor bu
35a₅ dang / mu tig dang / bai DUr+ya dang / dung dang / man shel dang / byi ru dang / sa le sbram dang / dngul mang po dag dgos par mi 'dzin te/ de rnyed kyang dga' bar kun du spyod par mi nus shing rin thang chung ngur 'tshong la/ mi mkhas pas 'dor ro/ /de ci'i phyir zhe na/
35a₆ de dag rin po che la mi mkhas pa'i phyir ro/ /kun dga' bo sems can dbul po ni rin po che 'di'i ming ni 'di'o/ /zhes bya bar rin po che rnams kyi ming yang mi shes so/ /kun dga' bo de bzhin du de bzhin gshegs pa'i sras bden pa mthong ba rnams dang / byang
35a₇ chub sems dpa' sems dpa' chen po de dag ni chos rin po che'i mdzod 'di tshol ba ste/ de dag chos rin po che dmigs su med pa stong pa nyid dang ldan pa/ sangs rgyas kyi chos dang ldan pa 'di 'dod cing bzod de de dag des bya ba byed do/ /sems can dbul po thos

_{iiif viewer powered by OpenSeadragon}

34b - 35b

Texts on this page