rKTs

e-texts navigator

Volume

Page

34b₁ pa de dag gi spyan sngar chos kyi char chen po gtong zhing chos kyi char chen po rab tu 'bebs so/ /kun dga' bo 'di lta ste/ dper na klu'i rgyal po rgya mtsho ni gang gi tshe rab tu dga' bar gyur pa de'i tshe rang gi gnas nas char gyi rgyun chen po 'bebs so/ /gang dag gnas
34b₂ de na gnas par gyur pa'i klu de dag gis kyang char gyi rgyun de mnos nas dga' bar 'gyur te char gyi rgyun des bde bar shes so/ /gang dag de'i bur gyur pa de dag kyang char gyi rgyun de bzod cing / char gyi rgyun des mchog tu dga' ba 'thob bo/ /de ci'i phyir zhe na/
34b₃ kun dga' bo klu gzhan dag gis ni char gyi rgyun de mi bzod la/ klu gzhan dag ni char gyi rgyun des bde bar mi shes shing char gyi rgyun de dag gis dga' bar mi 'gyur ba'i phyir ro/ /kun dga' bo de bzhin du gang dag de bzhin gshegs pa'i chos dkon mchog la
34b₄ lhag par chags pa dang / gang dag de bzhin gshegs pa'i sras thu bo byang chub sems dpa' sems dpa' chen po dge ba'i rtsa ba byas pa/ bsam pa rgya che ba chos zab mo'i tshul las nges par skyes pa de dag ni de bzhin gshegs pa'i chos kyi tshul gyi char chen po
34b₅ 'di bzod do/ /thos nas rab tu dga' zhing mgu ste bde bar shes so/ /kun dga' bo de bzhin gshegs pas don gyi dbang 'di la brten te/ bsam pa dag pa'i 'khor du seng ge'i sgra chen po sgrog cing chos kyi char chen po 'bebs so/ /kun dga' bo 'di lta
34b₆ ste/ dper na 'khor los sgyur ba'i rgyal po rin po che'i mdzod mang po bsags pa dang ldan pa des bu mang po rigs dang ldan zhing ma rgyud kyis kyang dag pa de dag thams cad bkug nas/ rin po che'i mdzod bgos te/ bu gang la yang mi slu bar byin no/ /de ltar bgos
34b₇ nas de dag 'khor los sgyur ba'i rgyal po de la dga' ba dang / mgu ba chen po lhag par skyes nas 'khor los sgyur ba'i rgyal po dang don mtshungs par gyur to snyam ste/ bdag bde bar shes so/ /kun dga' bo de bzhin du de bzhin gshegs pa chos kyi rgyal po chos

_{iiif viewer powered by OpenSeadragon}

34a - 35a

Texts on this page