rKTs

e-texts navigator

Volume

Page

33a₁ kun dga' bo la 'di skad ces smras so/ /tshe dang ldan pa kun dga' bo 'di ni nga rgyal can rnams kyi yul ma yin rtogs pa ma yin pas de dag 'di la skrag par mi 'gyur ro/ /de ci'i phyir zhe na/ gang sdig pa'i grogs po'i lag tu song ba de dag ni 'di la
33a₂ skrag par gyur zin pas 'di ni de dag gi yul ma yin zhing mi rtogs so/ /tshe dang ldan pa kun dga' bo gang dag nga rgyal spong ba'i phyir zhugs shing nga rgyal spong ba'i phyir brtson pa de dag ni 'di la skrag par 'gyur ro/ /de ci'i phyir zhe na/ nga rgyal du yongs su shes pas/ nga
33a₃ rgyal med pa tshol zhing / nga rgyal spong ba tshol ba'i phyir ro/ /tshe dang ldan pa kun dga' bo gang dag nga rgyal mi dmigs shing yang dag par mi mthong la rlom sems su mi byed cing mngon par mi zhen pa de dag ni gang la yang mi skrag gang la yang mi dngang / gang la yang dngang bar mi
33a₄ 'gyur ro/ /tshe dang ldan pa kun dga' bo nga rgyal can rnams kyi phyir chos bstan pa 'di zhugs pa ma yin no/ /tshe dang ldan pa kun dga' bo 'di ni nga rgyal can rnams kyi yul ma yin te/ go skabs med do/ /gang dag nga rgyal spang ba'i phyir brtson zhing 'bad pa de dag ni
33a₅ yang dag par 'bad pa ma yin no/ /tshe dang ldan pa kun dga' bo nga rgyal zhes bya ba de ni lhag par byed pa/ sgro 'dogs pa'i tshig so/ /gang dag nga rgyal la spyod cing lhag par byed pa sgro 'dogs par byed pa de dag ni mtshungs par mi spyad do/ /mtshungs par
33a₆ spyod pa yang chos 'di la the tsom za'o/ /tshe dang ldan pa kun dga' bo gang dag mnyam pa yang mi dmigs/ mi mnyam pa yang ma yin/ mnyam par yang rlom sems mi byed/ mi mnyam par yang ma yin/ mnyam par yang mngon par mi zhen/ mi mnyam pa
33a₇ la'ang ma yin pa de dag ni gang la yang mi skrag mi dngang / dngang bar mi 'gyur ro/ /tshe dang ldan pa kun dga' bo 'di ni byis pa so so'i skye bo thams cad kyi yul ma yin te mi rtogs so/ /tshe dang ldan pa kun dga' bo 'di ni byis pa so so'i skye bo thams cad kyis shes

_{iiif viewer powered by OpenSeadragon}

32b - 33b

Texts on this page