rKTs

e-texts navigator

Volume

Page

31a₁ chub ni rnam par ma bsgrubs la/ mi dmigs pa'i phyir ro/ /rab kyi rtsal gyis rnam par gnon pa de bzhin gshegs pas ni byang chub ma brnyes so/ /chos thams cad ni mi rnyed cing / chos thams cad mi dmigs pa'i phyir byang chub ces bya'o/ /de lta
31a₂ bu ni sangs rgyas kyi byang chub ces bya ste/ ji skad du brjod pa bzhin du ni ma yin no/ /rab kyi rtsal gyis rnam par gnon pa gang dag byang chub kyi phyir sems 'di bskyed par bya'o zhes byang chub tu sems bskyed pa dang / gang du bdag gis sems bskyed par bya ba'i byang chub de
31a₃ yod do zhes byang chub rlom sems su byed pa de dag ni byang chub sems dpa' zhes mi bya ste/ de dag ni sems can skyes pa zhes bya'o/ /de ci'i phyir zhe na/ 'di ltar de dag ni skye bar mngon par zhen cing / sems su mngon par zhen nas byang chub la mngon par zhen pa'i
31a₄ phyir ro/ /gang dag byang chub kyi phyir sems bskyed pa de dag ni byang chub kyi sems la mngon par zhen pa zhes bya'o/ /gang gi phyir mngon par 'du byed pa de'i phyir byang chub tu sems bskyed de/ de bas na mngon par 'du byed pa ni sems can zhes bya ste/ byang chub
31a₅ sems dpa' ma yin no/ /de ci'i phyir zhe na/ de dag ni sems can skyes pa zhes bya ba'i phyir ro/ /rab kyi rtsal gyis rnam par gnon pa byang chub ni ma skyes shing / byang chub ni bsam du med pas byang chub kyi phyir sems bskyed par mi nus so/ /rab kyi rtsal gyis
31a₆ rnam par gnon pa de dag ni skye ba nyid la mngon par zhen kyang de dag skye ba rab tu mi shes so/ /rab kyi rtsal gyis rnam par gnon pa skye ba mnyam pa nyid gang yin pa de ni yang dag pa nyid do/ /sems mnyam pa nyid gang yin pa dang / yang dag pa nyid gang yin pa dang / mnyam
31a₇ pa nyid gang yin pa dang / yang dag pa nyid de ni byang chub ste/ gang na yang dag pa ji lta ba nyid yod pa de na rnam par rtog pa gang yang med na/ de dag ni sems dang byang chub la rnam par brtags te/ gnyis su mngon par zhen nas byang chub kyi phyir sems bskyed do/ /

_{iiif viewer powered by OpenSeadragon}

30b - 31b

Texts on this page