rKTs

e-texts navigator

Volume

Page

30b₁ ba zhig na/ rab kyi rtsal gyis rnam par gnon pa 'di ltar nga zhe'am/ nga'i zhe'am/ nga'o zhes bya ba'i chos gang yang med pas de'i phyir sems can ni yang dag pa ma yin pa ste/ sems can thams cad ni ma rig pa 'du byed pas sems can thams cad ces bya'o/ /rab
30b₂ kyi rtsal gyis rnam par gnon pa gang la yang nga zhe'am/ nga'i zhe'am/ nga'o zhes bya ba'i sems can zhes bya ba'i chos gang yang med de/ gang gi phyir med pa de'i phyir sems can ni yang dag pa ma yin pa zhes bya'o/ /yang dag pa ma yin pa zhes bya ba de ni sems
30b₃ can med pa'i tshig so/ /ji ltar sems can du 'du shes pa yang dag pa ma yin pa la mngon par zhen pa de ltar sems can rnams yang dag pa ma yin pa zhes bya'o/ /rab kyi rtsal gyis rnam par gnon pa yang dag pa ma yin pa zhes bya ba de la ni yang dag pa ci
30b₄ yang med cing ma byung ba'o/ /chos thams cad kyang yang dag pa ma yin zhing ma byung ba'o/ /de la sems can yang dag pa ma yin pa la lhag par chags pa de ni rnam par 'ching ba ste/ de'i phyir yang dag pa ma yin pa la dmigs pa ni sems can zhes bya'o/ /de dag
30b₅ ni spyod pa gang khong du chud pas byang chub sems dpa' zhes bya ba'i rang gi spyod pa de mi shes te/ yongs su ma rtogs pas sems can ni yang dag pa ma yin pa zhes bya'o/ /rab kyi rtsal gyis rnam par gnon pa gang de ltar chos khong du chud pa de ni byang chub sems dpa'
30b₆ zhes bya'o/ /byang chub sems dpa' zhes bya ba de ni gang gis chos thams cad khong du chud cing shes la/ sems can rjes su rtogs pa'i tshig so/ /ji ltar shes zhe na/ yang dag pa ma yin pa dang / ma byung ba dang / phyin ci log ma yin par ro/ /ji ltar byis
30b₇ pa so so'i skye bo dag gis brtags pa de dag ni de bzhin du ma yin no/ /ji ltar byis pa so so'i skye bo dag gis rnyed pa de dag de bzhin du ma yin te/ de'i phyir byang chub sems dpa' zhes bya'o/ /de ci'i phyir zhe na/ byang chub ni ma brtags/ rnam par ma brtags shing byang

_{iiif viewer powered by OpenSeadragon}

30a - 31a

Texts on this page