| e-texts navigator |
| བོད་ཡིག |
28b1 pa dang / sems can du 'du shes rnam par bshig pas byang chub sems dpa' zhes bya'o/ /de ci'i phyir zhe na/ sems can gyi khams zhes bya ba de ni sems can med pa'i tshig so/ /sems can gyi khams med pa'i phyir sems can la sems can med do/ /
28b2 gal te sems can la sems can yod na ni sems can gyi khams zhes mi bya'o/ /sems can gyi khams zhes bya ba de ni khams med par bstan te/ khams med pa ni sems can gyi khams so/ /gal te sems can gyi khams sems can gyi khams su gyur na ni srog
28b3 de lus de yin par 'gyur ro/ /ji ste sems can gyi khams las rnam par grol ba khams su gyur na ni srog kyang gzhan/ lus kyang gzhan du 'gyur ro/ /khams med pa ni sems can gyi khams te/ brdas tha snyad gdags pa'i tshig tu 'gro'o/ /sems can
28b4 gyi khams la ni khams med de/ khams ma gtogs par sems can gyi khams med do/ /chos thams cad ni khams med pa ste/ ngas de la dgongs nas sems can gyi khams ni gang ba'am bri bar yang mi mngon no zhes bshad do/ /de ci'i phyir zhe na/ sems
28b5 can gyi khams rab tu dben pa'i phyir sems can gyi khams ni sems can ma yin no/ /ji ltar sems can gyi khams bri ba dang gang bar mi mngon pa de bzhin du chos thams cad bri ba'am/ gang bar mi mngon no/ /gang dag bri ba'am/ gang bar 'gyur bar chos
28b6 thams cad la yongs su grub pa gang yang med de/ gang gis de ltar chos thams cad khong du chud pa de ni sangs rgyas kyi chos khong du chud pa zhes bya ste/ ngas 'di la dgongs nas ji ltar sems can gyi khams bri ba'am gang bar mi mngon pa de bzhin du chos thams
28b7 cad kyang bri ba'am gang bar mi mngon no zhes bshad do/ /gang yang yongs su ma grub pa'i tshul gyis chos thams cad bri ba ma yin/ gang ba ma yin pa des sangs rgyas kyi chos kyang bri ba ma yin gang ba ma yin no/ /de ltar chos thams cad khong du chud pa'i phyir
iiif viewer powered by OpenSeadragon
Texts on this page
D14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa