| e-texts navigator |
| བོད་ཡིག |
27b1 shes rab kyi pha rol tu phyin pa ni tshig dang las kyis nye bar gnas pa ma yin te/ shes rab kyi pha rol tu phyin pa ni bstan du med pa'o/ /chos thams cad de ltar khong du chud na de ni ji lta ba bzhin du rab tu chud de mi 'gal lo/ /de ci'i phyir zhe na/ de la khong du chud pa ci
27b2 yang med cing rab tu rtogs pa yang med pa'i phyir ro/ /khong du chud pa dang rab tu rtogs pa mnyam pa nyid ni byang chub ste/ chos thams cad khong du chud pa ni byang chub ces bya'o/ /ji ltar chos thams cad khong du chud ce na/ 'di la byang chub gang yang med de 'di la khong du chud
27b3 pa gang yang med de/ de ci'i phyir zhe na/ rab kyi rtsal gyis rnam par gnon pa gal te byang chub dmigs na ni byang chub la yang byang chub dmigs par 'gyur ro/ /rab kyi rtsal gyis rnam par gnon pa byang chub la ni byang chub med de/ de ltar byang chub 'di mngon par rdzogs
27b4 par 'tshang rgya bar bya'o/ /khong du chud pa med pa dang rab tu rtogs pa med pas rjes su rtogs pa zhes bya ste/ ji skad du brjod pa bzhin du ni ma yin no/ /chos thams cad ni khong du chud pa ma yin rab tu rtogs pa ma yin te/ chos ni chos kyi ngo bo nyid kyis med do/ /
27b5 de ltar khong du chud pa de ni byang chub ces bya'o/ /rab kyi rtsal gyis rnam par gnon pa de bzhin gshegs pas ni byang chub ma dmigs shing de bzhin gshegs pas ni byang chub rnam par ma rig ste/ byang chub ni rnam par rig par bya ba ma yin/ rab tu rnam par rig
27b6 par bya ba ma yin no/ /de bzhin gshegs pas ni byang chub ma mkhyen ma bskyed de/ byang chub ni ma skyes shing mngon par ma grub pa'o/ /byang chub ni su'i yang ma yin zhing byang chub la sems can nam sems can du gdags pa gang yang med do/ /gang la sems
27b7 can nam sems can du gdags pa med pa de la 'di ni byang chub sems dpa' 'di ni byang chub sems dpa'i shes rab kyi pha rol tu phyin pa zhes ji ltar brjod/ rab kyi rtsal gyis rnam par gnon pa byang chub la byang chub kyang med/ byang chub la sems can yang med de/
iiif viewer powered by OpenSeadragon
Texts on this page
D14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa