rKTs

e-texts navigator

Volume

Page

27a₁ cad mi zad pa dang / zad pa shes pa la brtag pa khong du chud pa de zad pa shes pa dang bral te/ zad pa med pa'i mtha' rjes su thob bo/ /mtha' med pa ni mya ngan las 'das pa'i mtha' ste/ ji skad du brjod pa bzhin du ni ma yin no/ /chos thams cad ni mya
27a₂ ngan las 'das pa'i mtha' ste mtha' med pa'o/ /mtha' thams cad chad pa ni mya ngan las 'das pa'i mtha' zhes bya ste ji skad du brjod pa bzhin du ni ma yin no/ /mya ngan las 'das pa'i mtha' ni tha snyad thams cad chad pa brjod par bya ba ma yin pa ste/ rab kyi rtsal gyis
27a₃ rnam par gnon pa mya ngan las 'das pa'i dbyings bstan pa 'di yang ji skad bstan pa bzhin du ni ma yin no/ /bstan pa thams cad las yang dag par 'das pas mya ngan las 'das pa'i dbyings ni bstan du med de/ bstan pa thams cad rab tu chad pa de ni mya ngan las 'das
27a₄ pa'i dbyings zhes bya'o/ /mya ngan las 'das pa'i dbyings zhes bya ba gang yin pa de ni 'jig rten las 'das pa'i shes rab nges par rtogs pa bstan pa la bya'o/ /rab kyi rtsal gyis rnam par gnon pa mya ngan las 'das pa'i dbyings de ni yul na mi gnas/ phyogs na
27a₅ mi gnas pa zhes bstan to/ /rab kyi rtsal gyis rnam par gnon pa de la shes rab kyi pha rol tu phyin pa gang zhe na/ rab kyi rtsal gyis rnam par gnon pa shes rab kyi pha rol tu phyin pa la tshu rol lam pha rol gang yang med do/ /rab kyi rtsal gyis rnam par gnon pa gal te shes
27a₆ rab kyi pha rol tu phyin pa la tshu rol lam/ pha rol dmigs na ni de bzhin gshegs pas shes rab kyi pha rol tu phyin pa tshu rol lam pha rol bshad pa zhig na/ rab kyi rtsal gyis rnam par gnon pa shes rab kyi pha rol tu phyin pa tshu rol mi dmigs pas de'i phyir de'i pha
27a₇ rol kyang med mod kyi 'on kyang rab kyi rtsal gyis rnam par gnon pa shes rab kyi pha rol tu phyin pa zhes bya ba de ni chos thams cad kyi pha rol lo/ /de'i phyir shes rab kyi pha rol tu phyin pa zhes bya ste ji skad du brjod pa bzhin du ni ma yin no/ /rab kyi rtsal gyis rnam par gnon pa

_{iiif viewer powered by OpenSeadragon}

26b - 27b

Texts on this page