| e-texts navigator |
| བོད་ཡིག |
265b1 'gyur ro/ /de'i rjes su gos dang rgyan gyi char 'bab cing 'bab par byed do/ /de'i mthar pus mo nub tsam gyi tshad dang mnyam pa'i rin po che sna bdun gyi char 'bab cing 'bab par byed do/ /de'i phyir bcom ldan 'das kyis bka' stsal pa/ dri zhim pa yi char 'bab cing / /shun
265b2 can shun med 'bras kyi char/ /gos dang rgyan gyi char 'bab pa/ /de ltar dga' tshal mdzes pa bzhin/ /rin chen sna bdun ma lus pa'i/ /de yi gnas su char 'bab bo/ /gnas kun gang bar byas nas ni/ /de tshe dga' tshal mdzes pa bzhin/ /de rnams 'das
265b3 nas mi yib pa rnams 'thon te/ de rnams 'thon nas phan tshun du 'khyud pa dang / ngu ba dang / tshul khrims lnga la sogs pa'i dge ba'i chos rnams rjes su dran par byas nas rdzogs par rtsom mo/ /de nas tshe lo bcu pa'i mi rnams las skyes pa'i bu dang bu mo tshe lo nyi shu par
265b4 'phel lo/ /de nas mi rnams la lhag par chos 'phel bas bzhin du tshe 'phel te tshe lo grangs med par 'gyur ro/ /de'i tshe sems can rnams la rgas pa dang 'chi ba mi mthong bar 'gyur ro/ /de ltar sems can gzhan yang bag yod par 'gyur te/ dmyal ba'i sdug
265b5 bsngal zhes bya ba ni ci zhes sems can rnams sems pa med do/ /de nas tshe lo grangs med pa rnams 'bri bar byed do/ /sngar bzhin du bri nas tshe lo brgyad khri par 'gyur ro/ /de'i dus su 'dzam bu'i gling thams cad du lha'i bu mo'i skal ba dang 'dra bar bud med dang / de ltar
265b6 skyes pa dang bcas pas gang bar 'gyur ro/ /lha'i char pa zla ba phyed du 'bab pa dang / zhag bcu dang / zhag lnga dang / nyin zhag phyed du sa'i bcud 'phel bar 'gyur ro/ /de'i tshe sa gzhi thams cad kyi cha mnyam pa dang / tsher ma dang shing rad rod med cing / grong khyer la
265b7 phyogs bzhi'i sgo dang ldan pa dang / grong khyer gyi dbus su dpag bsam gyi shing skye bar 'gyur ro/ /de'i phyir gsungs pa/ de nas de yi grong khyer ni/ /sna tshogs tshong 'dus so so dang / /legs par rab byung rdzing bu dang / /dga' zhing rab tu gnas pa dang / /dri ma med
iiif viewer powered by OpenSeadragon
Texts on this page
D35 - byams pa'i mdo